Къырым меним ватаным сочинение на крымскотатарском языке

                        
«Къырым-меним Ватаным»

Меним Ватаным
–Къырым

Аджайип ернинъ
кошеси.

Денъизлернен
къаплы.

Къоджаман дагълар
арасы .

Меним
топрагъым къатты ве тузлу, чюнки баба-деделеримнинъ козьяшларынен синъген
топракътыр. Мен яшагъан ульке  дюньянынъ ярашыкълы бир парчасыдыр.

Бутюн халкънынъ
къаарь, къасеветлерни топлап  озюне,

Ювуна Къырымым
гульгуллю шефтали шербетинде,

Юзюм
салкъымларында,

Шенъ-шерамет
тойларда.

Бутюн къальплерде
«Хайтарма»

сеси
янъгъырагъанда

Дюльбер къызлар 
оюн  тёшей тойларда .

Меним
Къырымым-энъ дюльбер, аджайиптир, биринджи севги киби. Юксек минаретлернен
белли, сабалары эзан сеслери, инсанны уята ве гузель дуйгъулар догъура.

Меним
Ватаным-бу дагълар, чёллер къокъусы.

Меним-Къырымым
– меним Ватаным, меним топрагъым, меним халкъым  етмиш йыл къайтувны бекледи. Ер
курресинде пек чокъ дюльбер, аджайип ерлер бар, лякин мен озь мекянымны
,Къырымымны,топрагъымны, тилимни,баба-деделеримнинъ улькесини  бир ерге
денъишмем.

Озюни
урьмет эткен инсан биринджиден Ватаныны,халкъыны, тилини урьмет этмек керек. Иллериде
мен Ватаныма, халкъыма бутюн бильгимни, эмегимни сарф этеджем. Ватанымыз, халкъымыз
кунь-куньден зенгинлешсинъ.

Мен
гъурурланам Ватанымда догъып  яшагъаныма,озь тилимде лаф эткениме пек къуванам.
Языкъ ки, халкъымызнынъ чокъусына къысмет этмеди озь топрагъына къайтмагъа.
Оджамыз бизге эр дерсте тилимизнинъ аэнклигини, зенгинлигини тариф эте. Мен
эминим ки,меним Ватаным келеджекте менден гъурурланыр.

УПРАВЛЕНИЕ ОБРАЗОВАНИЯ АДМИНИСТРАЦИИ

КРАСНОГВАРДЕЙСКОГО РАЙОНА

РЕСПУБЛИКИ КРЫМ

Муниципальный конкурс литературных творческих работ на крымскотатарском языке
«Къырым – меним Ватаным» («Крым – моя Родина») имени Юнуса Кандыма XII муниципального фестиваля ученического творчества
на крымскотатарском языке
«Родной язык бесценен, и неисчерпаемы духовные богатства народа».
Сочинение на тему: «Къырымтатар халкънынъ дженк къараманлары»
Выполнила: ученица 7 класса МБОУ
«Кремневская школа» Мерджанова АлимеУчитель: Эсатова Назле Казимовнас.Кремнёвка – 2015
Ким истемез балаларнынъ Шенъ-шерамет оськенини.
Истерим мен бар джианда Барышыкъ ель эскенини.
Истегим шу, азиз достлар,
Тынчлыкъ гулю солмасын.
Истегим шу инанынъыз,
Дюньяда дженк олмасын.
Мен 2002 сенеси догъдум, дженк акъкъында тек китаплардан, кинофильмлерден билем. Меним анам, бабам да дженк корьмедилер, онынъ ичюн манъа не айтмагъа бильмейлер, амма дженк – бу пек къоркъунчлы.
Дженк … Тек бир сёз чокъ шейни анълатыр. Дженк – аналарнынъ дерти, юзьлернен ольген аскерлер, юзлернен оксюз къалгъан балалар ве бабасыз къоранталар, адамларда тек дешетли хатыра къалды.
Бир тюрлю такъдим этмек, не къадар дженк девиринде арбий адам къыйынлыклар чекти. Шимди чокъ-чокъ сёзлер янгъырай, дженкте иштиракъ эткенлер, даа десен озь арекетлеринъ сабурнен къыймет кеселер. Дженк этмеге кеттилер, чюнки о буны япмагъа меджбур, бу онынъ борджу, намусы Ветанны къорчаламакъ. Аскрлер билер эдилер, олар олмаса, ким оладжакъ?!

Йыллар кечкен сонъ, аскерлерге абиделер къоюлыр, бинълернен тарихий ве эдебий эсерлер язалар. Амма Ветан имаеджилери, джебеге кеткенде, юксек сёзлер айтмадылар. Ялынъыз «керек» сёзни билир эдилер.
Аскерлер сонъки нефесине къадар Ветанны къорчаламагъа азыр эдилер. Оларда ветанперверликнинъ къарары ёкъ эди. Ялынъыз бизим аскер озь яралангъан аркъардашыны душманнынъ пулемёт къуршунларындан къоркъмайып чыкъарыр. Тек олар амансыз душманны урар эди, амма пленге тюшкен немселерни къыйнамады. Озю ольсе де, пленге теслим этмеди.
Советлер Бирлигининъ эки дефа къараманы Амет-Хан Султан къараманлар сырасында озюнинъ саделигини ве мисли олмагъан джесюрлигинен айрыла эди. Адий ве федакяр инсаннынъ хатырасы эбедий яшайджакъ.
Дженк вакъытында гизли группаларда да чокъ къырымтатар яшлары бар эди. Он докъуз яшында къырымтатар къызы Алиме Абденнанованынъ къыскъа, лякин парлакъ аяты Ветангъа, озь халкъына садыкълыкънынъ ве джесюрликнинъ теслимидир. Бизлер онъа гъурурнен, халкъымызнынъ Ветан къызы деймиз. Бу йыл Алимени дефа къараманы унваныны бердилер.
…Баарь! Кунеш куле уфукъта, тереклер ап-акъ чичек ачалар, тынч коклернинъ мавысы. Чевре-четте яп-ярыкълыкъ ве сыджакълыкъ.
Сагъол санъа, аскер!

ВАТАН АКЪКЪЫНДА АТАЛАР СЁЗЛЕРИ

ВАТАНСЫЗ АДАМ – ЙЫРСЫЗ БУЛЬБУЛЬ.

ВАТАН — ЭКИНДЖИ АНАНЪ.

ВАТАН СЕВГИСИ – ИМАНДЫР!

АНА КИБИ ЯР ОЛМАЗ, ВАТАН КИБИ ЕР ОЛМАЗ!

ГЪУРБЕТЛИКТЕ ЯШАМАКЪТАН, ВАТАНЫНЪДА

ОЛЬМЕК ХАЙЫРЛЫ

ГЕНЧЛИК ЧАГЪЫНЪНЫ КЪАЧЫРМА!

ВАТАНСЫЗ АДАМ – КЪАНАТСЫЗ КЪУШ

СЫНЫФ СААТЫ

ВАТАНЫМ КЪЫРЫМ

Мен сизлернинъ эпинъизни бугуньки сыныф саатында корьгенимден пек мемнюним. Бугуньки бизим сыныф саатымыз бу куньлери эпимиз ичюн даа зияде къыйметли олгъан Ватанымызгъа багъышлана.

Мевзумыз: «Ватан неден башлана?»

Чокътан-чокъ совет девиринде яшагъан адамлар «Ватан неден башлана?»

йырыны пек яхшы билелер. Бу йыр 1968 сенеси бестекяр Вениамин Баснер ве шаир Михаил Матусовский тарафындан язылгъан эди. Бизлер бу йырнен осьтик, бу йырны пек севе эдик. Бу узакъ совет девири эди…Бугунь исе, Ватан дегенде меним къулакъларымда «Ватаным Къырым» йыры янъгъырай.

Музыканы динълеймиз «Ватаным Къырым»

Ватан — бу биз яшагъан эвимиз, бизим аджайип сельбилеримиз, бульбуль сеси, багълар ве дагълар, озенлер ве , эльбетте, бизим Къара денъизимиз.

Бу бизим яшагъан еримиз, сокъагъымыз ве достларымыз. Эр бир инсаннынъ озь кучюк Ватаны бар,- яшагъан шеэри, сокъагъы ве эви.

Чокъ балалар ичюн Къарасувбазар — сизинъ кучюк Ватанынъыз. Мына бойле кучюк кошелерден бизим Ватанымыз ибарет.

-Я бизим Ватанымызнынъ ады не?

-Бизим Ватанымыз Къырым.

-Пайтахт — бу укюмет чалышкъан шеэр. Насыл шеэр? — Акъмесджит-Симферополь.

Ер юзюнде пек чокъ девлетлер бар. Олар бири-биринден географик ерлешювинен, тилинен, тарихынен,урф-адетлеринен ве озь тимсаллеринен

айырылып туралар. Эр бир девлетник бир къач символы бар. Бугунь биз оларнен даа якъынджа таныш оладжакъмыз.

САНАЛАШТЫРУВ

Бу вакъиа пек чокъ асырлар эвель олгъан. Куньлерден бир кунь эки девлет озь ара давалашалар.Озь Ватандашларыны насыл айырмасыны бильмейлер.Падишалардан бири ачувлана ве эр кеске къырмызы къалпакълар тикмесини эмир эте.Экинджиси буны корип,къувана ве озь адамларына къырмызы къалпакъкъа пускюль(кисточка) де тикильсин деп,эмир эте. Олар тынчландылар,озь адамларыны таныджакъларына эмин олдылар.Амма эр шей башкъаджа олды.Де къалпакъны джоялар,де эвде къалдыралар.Башлыкълар шашмалап къалалар

Куньлерден бир кунь оларгъа бир (Мудрец) икметли адам кельди ве бойле айтты…

-Не айтты деп, тюшюнесиз?

— Не чекишесиз! Эр бирнинъизге озь йырынъызны уйдурмакъ керек. Бу йырны сизинъ укюметнинъ адамлары йырлар, укюметнинъ тамгъасыны сызмакъ керек ве басмадан байракълар тикмек керек.
-Насыл тюшюнесиз,не акъкъында бу адам айта эди?
Башлыкълар (государи) ойле де яптылар. Шу куньден сонъ эр бир укюметнинъ озь тимсали (символы) пейда олды — гимн, герб, байракъ. Эр кес укюметини айырып башлады. 

III. — “Символ” дегени недир? 
Символ – бу айры бир бельги.

Девлет символлары: Девлет Гербы, Девлет байрагъы ве Девлет гимни. Эр кес озь укюметининъ символларынен гъурурлана. Герб, байракъ ве гимнге укюметке киби мунасебетте олалар. Эр бир инсангъа озь Ватаны, онынъ символлары, тарихы пек къыйметлидир.
Герб – девлетнинъ эмблемасы, айыргъан бир бельги. О байракъларда, печатьларда, акъчаларда, китапларда, санат эсерлеринде, эльязмаларда…тасвирлене 

Байракъ
Эр бир девлетнинъ мутлакъ байрагъы да ола. Байракъ-бу сёз грек тилинден ( «флего», демек «якъмакъ, янмакъ») кельген.

Байракъны чешит тедбирлерде, байрамларда котерелер. Девлет биналарына асалар, байрам ве тантаналы куньлери эвлерни ве сокъакъларны оларнен яраштыралар. Девлет байрагъы эр кес ичюн мукъадестир.

Байрагъым Сёзлери-Аблязиз Велиевнинъ

Музыкасы-Сервер Какуранынъ

• Умютимни мен санъа багъладым,

Ифтихарым, меним байрагъым.

Котеринъ достлар, о ельпиресин,

Онынъ иле багълы меним аятым

Багълама:

Тамгъалы байракъ, мукъадес байракъ

Авеленсин даим Ватанда.

Башымыз узре, саф кокюмизде

Ёл косьтерсин о халкъымызгъа

• Меним байрагъым, азиз байрагъым,

Миллетимнинъ темсили сенсинъ.

Биз санъа садыкъ олурмыз даим,

Къырымтатар сен иле енъсин.

Багълама:

Тамгъалы байракъ, мукъадес байракъ

Авеленсин даим Ватанда.

Башымыз узре, саф кокюмизде

Ёл косьтерсин о халкъымызгъа

• Биз джесюр миллет! Буны яхшы билль

Байракъ иле кетейик огге.

Енъиш кетирсин, кучь-къувет берсин

Къырымтатар байрагъы бизге

Багълама:

Тамгъалы байракъ, мукъадес байракъ

Авеленсин даим Ватанда.

Башымыз узре,саф кокюмизде

Ёл косьтерсин о халкъымызгъа.

Гимн
Эр бир девлетнинъ мутлакъ озь гимни олмакъ керек. Гимнде укюметнинъ улулыгъы косьтериле, такъдири акъкъында айтыла.
Гимн — укюметни дюньягъа таныткъан тантаналы йыр.Бу укюметнинъ энъ баш йыры,оны тек айры бир тантаналы дакъкъаларда, Девлет байрамларында эшителер ве йырлайлар. Спорт тедбирлерде укюметнинъ спортчылары гъалип къазангъанда байракъ котериле ве гимн чалына.Гимн чалынгъанда эр кес мутлакъ аякъ устюнде тура. Къырымтатар халкъынынъ гимнини Номан Челеби -джихан язгъан.

Ант эткенмен

(Номан Челебиджихан)

Ант эткенмен татарларнынъ ярасыны сармагъа,

Насыл болсун бу заваллы къардашларым чюрюсин?

Онлар ичюн окюнмесем, къайгъумасам, яшасам,

Юрегимде къара къанлар къайнамасын, къурусын.

Ант эткенмен шу къарангъы юрткъа шавле сепмеге,

Насыл болсун эки къардаш бир-бирини корьмесин!

Буны корип бусанмасам, мугъаймасам, янмасам,

Козьлеримден акъкъан яшлар дерья-денъиз къан болсун.

Ант эткенмен, сёз бергенмен бильмек ичюн ольмеге,

Билип, корип, миллетимнинъ козьяшыны сильмеге.

Бильмей, корьмей бинъ яшасам, къурултайлы хан болсам,

Кене бир кунь мезарджылар келир мени коммеге.

Курешмек халкъымызнынъ такъдирине язылгъандыр. Биз эп акъикъат ичюн курешемиз, керчекни гизлемек истеген укюмет тарафындан эп алданамыз. Артыкъ ябанджыларгъа инанмакъ, олардан ярдымны беклемек умютинден кесильдик, бизим екяне умюдимиз — бизим миллетимиз. Кечмишимизнинъ зор, мушкуль вакъиаларны ич унутмайыкъ, олардан дерс алып илериде асыл да алданмайыкъ. Бизим келеджегимиз — бизим эллеримизде, бизим амеллеримизде.

Эмине Мустафаеванынъ йыры иджра этиле

Сыныф саат нетиджеси. Рефлексия.

— Не акъкъында бугунь лаф эттик?

— Бизим Ватанымызнынъ ады?

— Окъув йылынынъ башында мектеп джедвелинде насыл символлар корьдинъиз?

— Бизим укюметте яшагъан адамларгъа не дейлер?

— Къайсы шеэр Къырымнынъ пайтахты?

— Девлетнинъ насыл символларыны билесиз?

— Герб не ерде расткеле ?

— Девлет байрагъы къаерде ерлештириле?

— Гимн не вакъыт чалына?

ИНШАЛАРДАН ПАРЧАЛАР (терджиме этинъиз)

«У каждого человека есть Родина – край, где он родился и где всё кажется особенным, прекрасным, родным. Моя родина велика и прекрасна. Родина – это земля отцов, где родились мои предки, где прошло моё детство. Человек, навсегда лишённый возможности дышать воздухом своей страны, бродить по её привольным краям и старинным городам, теряет самое главное в своей жизни. Он заболевает особой, ничем не излечимой болезнью – тоской по Родине. Зато, чтобы Родина была свободной и прекрасной, отдавали свои жизни её лучшие сыновья и дочери. Каждый человек должен прилагать все усилия, чтобы его Родина была богаче  и красивей».

«С чего начинается Родина, ответишь не сразу. Для меня Родина – это место, где я родился и вырос, моя семья – папа, мама и сестричка Полина. Дом, в котором живёт моя семья. Родина – это большое слово. Родина – лучшее место на земле. Я люблю свою Родину».

«Я думаю, что Родина начинается с согласия, мира и доброжелательности людей»

«Для меня Родина – это место, где я родилась, где живут мои друзья, где я учусь, где живёт моя семья. Я  люблю свою Родину. Она для меня начинается с маминой заботы, с тёплых бабушкиных рук, с любимых домашних животных. Каждый человек должен приносить пользу и добро своей Родине, а не уничтожать её. Никто никогда не забудет свою Родину. Ничего прекраснее Родины нет. Ведь поэтому это слово пишется с большой  буквы»

«Родина начинается с мысли о том, что ты гордишься ею, что можешь пожертвовать жизнью ради неё. С того, что тебе ничего не жалко ради Родины, что ты можешь радоваться за неё, грустить о  ней, идти ради Родины на войну».

«Родина начинается с любви и счастья, с доброты и веселья. Ведь Родина – это и есть любовь. Если ты на своей Родине, то к тебе так и тянется доброта. Тебя согреет её тёплая земля, ясное небо, могучее солнце и её прекрасная природа. Так что Родина служит нам всем, вернее мы должны служить ей всем, всем, всем. Берегите и защищайте нашу Родину».

«Для меня родина начинается с моей кроватки, потому что я в ней спала, росла. Она ещё начинается с любви мамы, ведь она нас учит, любит, заботится. Родина – это мой дом, моя семья, ведь здесь я росла, развивалась. Школа – это тоже Родина, меня здесь учат,воспитывают.. Родина – это мой город Къарасувбазар потому что я в нём живу. И наконец, Родина  — это мой родной Крым, здесь живёт моя семья,мои родные и мой любимый народ». Ватан, Къырым… Бу бизим догъгъан ве яшагъан еримиз. Бу бизим эвимиз.Оны сакъламакъ ве севмек керек. Къырым-насыл сыджакъ, юрекни къыздыргъан гузель бир сёз! Къырым — бу бизим тарихымыз. Къырым — бу мен ве сен,бу бизим къуванчымыз ве бизим къасеветлеримиз. ВАТАН — БУ КЪЫРЫМ, КЪАРАСУВБАЗАР, КЪАРА ДЕНЪИЗ, БЕКИР-ЧОБАН-ЗАДЕ, АКЪ-КЪАЯ, МЕНИМ ДОСТЛАРЫМ, МЕНИМ МЕКТЕБИМ ВЕ МЕНИМ КЪОРАНТАМ (сёзлерни баш устюне котерелер) СЕРВЕР КАКУРА «БИЗИМ КЪЫРЫМ» ЙЫРЫ

1. ПРЕЗЕНТАЦИЯ «Къырым»
2. Хайтарма

Селям алейкум, сайгъыллы мусафирлер! Бугунь биз  тувгъан къырымтатар тилимизнинъ, Ватанымызнынъ, медениетимизнинъ аджайип дерьясына киреджекмиз.

  Бизим къадимий тилимиз не къадар гузель, муляйим, зенгин, татлы олгъаныны ис этеджекмиз. Къырым – бизим Ватанымыз! Эвель-эзельден Къырым – дюньянынъ энъ дюльбер ве арз этильген кошелерден бири сайыла эди. Онынъ чёллерини, дагъларыны, орманларыны, денъизни, кой ве шеэрлерини биз джандан севемиз!  

1. ПРЕЗЕНТАЦИЯ « Мераба, Къырым»

   Къырымда чокъ миллет векиллери яшайлар. Бу руслар, украинлер, къырымтатарлар, греклер, тюрклер, болгарлар, караимлер ве дигерлери. Эр бир миллетнинъ озь тили бар. Биз – къырымтатармыз ве бизим тувгъан тилимиз – къырымтатар тили!

1.Арифлерни, сеслерни,

Биз энди яхшы билемиз,

Оларны къошып-къошып

Окъумагъа огренемиз.

Энди ана тилинде

Китаплар алып окъурмыз,

Бильгимизни кунь-куньден

Арттырмагъа биз азырмыз!

2.Мен озь тувгъан тилимни ,

Урьмет этем ве сайам,

Къырымтатар олгъаныма,

Джан-юректен къуванам.

Бу дюньяда эр инсан,

Тувгъан тилини бильсин.

Анасынынъ тилинде,

Бульбуль киби лаф этсинъ.

Эшитмедим!-деменъиз,

Керчек!- Ялан олмасын!

TATLI SES байрамында

Сизни корьмек истеймиз!

4.КЛИП «Татлы сес!»

5. Йыр «Мен анамнен лаф этем»

 Къырымтатар халкъ йырлары фольклорымызынъ энъ зенгин къысымларындан биридир.

Той-джыйынларда, байрамларда халкъ йырларыны йырламакъ эвель заманлардан адет олып кельген. Йыр инсанны шенълендире,агъыр вакъытларда исе кучь-къувет бере, рухландыра, адамларнынъ гонъюлини котере.

6.Йыр «Бизим тараф»

«Яслы, къоркъунчлы куньлер —

О вакъытны унутмам,

Адалетсиз, мудхиш куньлер», —

Агълап айта къартанам…

 Узун сасыкъ эшелонлар,

Козьяш тёккен аналар,

Олеяткъан сабийчиклер,

Гъарез субай, сакъчылар.

 Олар сизге не яптылар,

Айтынъ бугунь сиз манъа?

Айдадынъыз миллетимни

Асиягъа, Уралгъа…

 Кимлер  бунъа себепчилер,

Кимлер эмир эттилер?

Бутюн халкъкъа бефтан ерде

«Саткъын» адын бердилер.

 «Яслы, къоркъунчлы куньлер

О вакъытны унутмам,

Адалетсиз, агъыр куньлер», —

Агълап айта къартанам…

1944-ЮНДЖИ – ЙЫЛЛАРНЫНЪ ЭНЪ КЪАРАСЫ,

АКЪЫЛЛАРДАН ИЧ СИЛИНМЕЗ ШУ ОГЪУРСЫЗ МАЙЫСЫ.

7. Клип «Сюргюнлик»

8.ПРЕЗЕНТАЦИЯ «Къырым. Депортация»

Селям санъа ана-Ватан,

Сени джандан севемиз.

Топрагъынъда, гузель Ватан,

Сербест, джошкъун кеземиз.

Бизлер ичюн козьяш олды

Ана – Ватан юртымыз.

Шимди къальпке нурлар толды,

Парылдасын юртымыз.

Эль котерип дува окъуй

Къырымтатар баласы.

Дердимизге дерман олсун

Ешиль Къырым авасы.

ФОТО

 Къырымтатар фольклорында эсас ерлерден бири де къадын-къызларнынъ образларына аиттир. Къадынларнынъ образларыны аман — аман фольклорнынъ бутюн жанрларында тапмакъ мумкюндир.

  Халкъ йырларымызда къадын- къызларымызнынъ гузеллиги ве назиклиги бойле сезлернен тасфирленген:

9.Презентация «Къырымтатар къызлары»

10. Йыр «Крымские татарки»

11.Презентация «Севги»

12. Йыр  «Гемилер»

12. «Гемилер»

Яшанъыз, окъунъыз, шенъленъиз озь Ветанында!

Унутманъыз, чоджукъларым,

Къырым сизнинъ юртунъыз!

Саиб олунъ бу Ватана,

Чалышынъыз эдеп иле!

13. Йыр  «Къырымтатарым мен»

Мен истейим адамлар муаббет олсун,

Оюн-кульку ич битмесин, чокъ олсун,

Айдын кунеш парылдасын семада,

Къуванч олсун эр вакъыт арамызда.

14. Презентация «Финал»

Эписи:Озь йырыны, озь йырыны

Бульбуль йырласын танъда,

Не де гузель яшамасы Ватанда!

Просмотр содержимого документа

«Къырым-меним Ватаным »

00 Видеоролик «Ватан»
001Фон
1.Мерабаныз, сайгъыллы мусафирлер!  «Къырым – меним Ватаным» адлы эдебий – музыкалы 
тедбирге хош кельдинъиз!
2.Бугунь биз  тувгъан къырымтатар тилимизнинъ, Ватанымызнынъ, медениетимизнинъ аджайип 
дерьясына киреджекмиз.
1.  Бизим къадимий тилимиз не къадар гузель, муляйим, зенгин, татлы олгъаныны ис этеджекмиз.
2. Къырым – бизим Ватанымыз! Эвель­эзельден Къырым – дюньянынъ энъ дюльбер кошелерден бири 
сайыла эди. Онынъ чёллерини, дагъларыны, орманларыны, денъизни, кой ве шеэрлерини биз джандан 
севемиз!
 
02 «Яша, меним халкъым»+ клип  
1.Къырымнынъ тарихыны  бизим дюньямызда олып кечкен вакъыаларны тарих алеминден айырмакъ 
мумкюн дегиль.
Адамннынъ Къырымда яшагъаны къадимий девирлерден башлана.
2.Олар  бу ярымадада он бинъ йыл девамында иджат этип кельген.
1. Къадимий заманлардан берли Къырым ярымадасы аджайип ве текрарланмаз ерлеринден бири эди.
2. Бизим Ватанымыз чешит гузель тарихий абиделернен зенгиндир.Оларны Къырымнынъ энъ тюрлю 
кошелеринде раст кетирмек мумкюн.
1. Меселя: Мангъуп къале, Багъчасарайдаки Хансарай, Зынджырлы медресе, Гирей ханларнынъ 
дюрбелери, Кезлевдеки Хан­джами, Судакътаки джамилер ве иляхре.
2.
03Видеоролик «кипу тв къырым меним ватанымдыр»
2. Къырымда чокъ миллет векиллери яшайлар. Бу къырымтатарлар, руслар, украинлер, урумлар, 
тюрклер, болгарлар, караимлер ве дигерлери. Эр бир миллетнинъ озь тили бар. Биз – 
къырымтатармыз ве бизим тувгъан тилимиз – къырымтатар тили!
1.Арифлерни, сеслерни,                   Лиля
Биз энди яхшы билемиз,
Оларны къошып­къошып
Окъумагъа огренемиз.
Энди ана тилинде                          Альяна         
Китаплар алып окъурмыз,
Бильгимизни кунь­куньден
Арттырмагъа биз азырмыз!
2.Мен озь тувгъан тилимни ,              Диана
Урьмет этем ве сайам,
1 Къырымтатар олгъаныма,
Джан­юректен къуванам.
Бу дюньяда эр инсан,                                            АЛЬЯНА
Тувгъан тилини бильсин.
Анасынынъ тилинде,
Бульбуль киби лаф этсинъ.
1. Миллий тербиенинъ эсасы, халкъымызнынъ бутюн рухий мирасынынъ менбасы – ана тилимиздир. 
Миллет оларакъ сакъланып къалмамыз ичюн, ана тилимизни муккемель бильмек зарурдыр.
2. Тиль гъайыбы – миллет гъайыбыдыр. Буны вуджудынен бугунь эр бир къырымтатар анъламалыдыр
1. Къырымтатар тили – зенгин , гузель ве нагъмели тиллерден биридир. Бу фикирни белли шаиримиз 
Бекир Чобан­заде «Тувгъан тиль» шииринде ачыкъ –айдын косьтере.
(5 сыныф)
Мавиле
Фатиме
Эльзара
04 Илим (Эмилия)
Селям санъа ана­Ватан,                            САБИНА
Сени джандан севемиз.
Топрагъынъда, гузель Ватан,
Сербест, джошкъун кеземиз.
Эль котерип дува окъуй
Къырымтатар баласы.
Дердимизге дерман олсун
Ешиль Къырым авасы.
Мен северим акъбардакъ,                      Сивиля
Сен северсин мелевшее.
Мен северим орман­дагъ,
 Санъа чёллер келише.
Мен северим ялыда
Чал далгъалар сёйленсе,
Сен северсин яйляда
Къавал сеси инълесе.
Кель экимиз берабер
Дост олайыкъ, Дилявер.
Муаббет яшап осейик,
Кок юзюне етейик.
2 Айшечик 
Будыр бизим Айшечик,                                    Алим
Къашчыкълары къарачыкъ,
Тос­томалакъ бети бар,
Пек багъравукъ сеси бар
Чебер Айше
Ине алды Айшечик, 
Тикмек ичюн антерчик.
Айше озю пек чебер, 
Тиккен антери дюльбер.                     Эмиль
  Чобан
Саба эрте чобанымыз,
Къавалыны чалдыра,
Сыгъыр, къой  ве эчкилерни
Отлакъларгъа чагъыра.                                     Умид
 1.Къырымтатар халкъ йырлары фольклорымызынъ энъ зенгин къысымларындан биридир. 
2.Той­джыйынларда, байрамларда халкъ йырларыны йырламакъ эвель заманлардан адет олып 
кельген. Йыр инсанны шенълендире,агъыр вакъытларда исе кучь­къувет бере, рухландыра, 
адамларнынъ гонъюлини котере.
05. «Къалай къазан ичинде»
1.Ватанына, миллетине, урф­адетлерине олгъан терен севгини инсаннынъ бутюн омюри боюнджа 
онынъ юрегинде сакълап аляметлеринден бири – халкънынъ музыкасы, хусусан йырларыдыр. 
2.Халкъ  йыры – халкънынъ язылмагъан тарихыдыр, келип­кечкен тарихий адиселерге халкънынъ
мунасебетини акс эте. 
06.видеоролик
«Энъ гузель Къырым» (Джелилова Э.)
1.Бизим халкъымызнынъ зенгин йыр вариети бар. Онынъ эсасында истидатлы халкъымызнынъ 
бутюн омюр тарихыны джанландырмакъ мумкюн.
2.Къырымтатар халкъ музыкасы чешит жанрларнен зенгиндир. Булар  ­ тарихий, лирик, турмуш. 
Адет, шакъа ве башкъа жанрлардыр. Эр бирининъ озюне махсус чизгилери, табиаты бардыр.
                        07«Чалашым» (Куртсеитова Эмилия)
3 1. Къырымтатар эдебияты халкъымызнынъ джанлы тарихыдыр. Эр бир халкънынъ аятында олып 
кечкен адисе ве вакъиалар миллий эдебиятта озь ерини тапа.
2.Къырымтатар языджыларымызнынъ, шаирлеримизнинъ эсерлери асырлар девамында 
халкъымызнынъ хатырасында къалды.
1.Ана тилим – бу муаббетлик,  севги йыры,
2. Ана тилим – бу той, джыйын, достлукъ, эйилик.
1. Ана тилим – йырджыларнынъ ольмез йыры.
2.Ана тилим – бу халкъым ичюн эбедейлик.
1. Бир эджасын джоймам онынъ,
2. Бир арифин унутмам.
1. Тувгъан халкъым онен бахтлы,
     Урь аятнынъ къойнунда.  
   
2.Яшанъыз, окъунъыз, шенъленъиз озь Ватанында!
Эшитмедим!­деменъиз,                            СУЛТАНИЕ
Керчек!­ Ялан олмасын!
«TATЛЫ СЕС»  байрамында
Сизни корьмек истеймиз!
08 КЛИП «Татлы сес!»
Сизнинъ дикъкъатынызгъа «Татлы сес» ярышынынъ финалисти Куртсеитова Эмилянынъ 
иджрасында «Чал атым» йырыны теклиф этемиз.
 
09 чал атым
Абдишева Г.С.
10 Чунга чанга
1.Унутманъыз, чоджукъларым,
Къырым сизнинъ юртунъыз!
Саиб олунъ бу Ватана,
Чалышынъыз эдеп иле!
2.Мен истейим адамлар муаббет олсун,
Оюн­кульку ич битмесин, чокъ олсун,
Айдын кунеш парылдасын семада,
Къуванч олсун эр вакъыт арамызда.
4 3.Озь йырыны, озь йырыны
Бульбуль йырласын танъда,
Не де гузель яшамасы Ватанда! 
1.Арифлерни, сеслерни,                  
Биз энди яхшы билемиз,
Оларны къошып­къошып
Окъумагъа огренемиз.
2.Энди ана тилинде                                 
Китаплар алып окъурмыз,
Бильгимизни кунь­куньден
Арттырмагъа биз азырмыз!
    3.Мен озь тувгъан тилимни ,              
Урьмет этем ве сайам,
Къырымтатар олгъаныма,
Джан­юректен къуванам.
4.Бу дюньяда эр инсан,                                            
Тувгъан тилини бильсин.
Анасынынъ тилинде,
Бульбуль киби лаф этсинъ.
5. Мен мектепке барарым
    Окъуп, бильги аларым.
    Бильги манъа къанаттыр
    Мен учуджы олурым
5