Сочинение минем дусларым

Татарча сочинение “Якын дусларым”

Сочинение на татарском языке на тему “Якын дусларым”
Кешенең дуслары күп булса да, якын дусты бер генә була. Ике яңа дустан бер иске дус яхшырак. Минемчә, бу мәкаль бик дөрес. Минем дә якын дустым бар. Аның исеме-Рахим. Аңа 12 яшь..Ул уртача буйлы, зәңгәр күзле, кара чәчле матур малай. Рахим бик тыйнак, акыллы, тырыш . Ул мактанчык һәм саран кешеләрне яратмый. Без бергә буш вакытларны файдалы үткәрәбез: велисопедта йөрибез,компьютерда уйныйбыз. Рахим мин математикадан ярдәм итәм, кыен мәсьәләләрне аңлатам. Аны иптәшләре хөрмәт итә, ярата. Аның белән аралашу бик рәхәт. Мин дуслыгыбыз белән горурланам.Еще сочинения на татарском языке со схожей к “Якын дусларым” тематикой (перейти к сборнику татарских сочинений нашего сайта)

Минем дустым(инша)

Кош − канаты белән,Кеше дуслык белән көчле.Татар халык мәкале.Дуслык − кешеләр арасындагы мөнәсәбәтләрнең иң күркәм һәм самими бер төре. Дуслар һәрвакыт бер-берләрен аңлыйлар, кайгы килгәндә, ярдәмгә ашыгалар, шатлык-сөенечлөрен бергә бүлешәләр. Дуслык − ул ике кешенең уртак кызыксынулары, бер-берсе белән ярдәмләшеп, авыр чакта терәк булып яшәүләре. Ул − теләсә нинди байлыктан, акчадан кыйммәтрәк, сатылмый торган бөек нәрсә.Дуслык, барыннан да элек, ярдәм кирәк чакта, авырлыклар аша сыналырга тиеш. Янәшәңдә якын дусларың булганда, сине бернинди каршылыклар да куркытмый. «Дуслык таулар күчерә» ди халык. Бергә булганда, теләсә нинди авырлыкларны җиңеп чыгарга мөмкин. Кайгы-хәсрәтләр, борчу-мәшәкатьләр онытыла, кыенлыклар артта кала, тик янәшәңдә якын дустың гына булсын.Минем иң якын дустым − сыйныфташым Марат. Безнең дуслык бик гади генә башланды. Без икебез дә 1 «Б» сыйныфына укырга килдек. Тәнәфестә таныштык һәм бергә уйный башладык. Аннан соң Марат безнең өйгә кунакка килде, безнең уртак шөгыльләр табылды; бергәләп музыка тыңлый башладык, компьютерда уйнадык, бер үк спорт секциясенә язылдык.Марат − бик әйбәт малай. Хайваннарны бик ярата. Ул бик игелекле һәм мәрхәмәтле, ачык йөзле, һәрвакытта да күршеләре белән исәнләшә, кайчакларда күрше әбиләргә чүп түгәргә, яисә кибеттән авыр сумкаларын алып кайтырга булыша.Безнең сыйныфта Маратны гадел һәм кыю булганы өчен яраталар. Кайбер балалар безнең дуслыкка көнләшебрәк тә карыйлар. Мондый дуслыкны адым саен очратып булмый бит.Без бер-беребезгә укуда да, спортта да гел ярдәм итешәбез. Мин Мараттан берәр нәрсә турында үтенсәм, ул аны эшли. Аңа ярдәм кирәк булганда, мин дә шунда ук ярдәм итәргә ашыгам.

Дустың булса, шундый булсын…

      Дуслык − кешеләр арасындагы мөнәсәбәтләрнең иң күркәм һәм самими бер төре. Дуслар һәрвакыт бер-берләрен аңлыйлар, кайгы килгәндә, ярдәмгә ашыгалар, шатлык-сөенечләрен бергә бүлешәләр. Дуслык турында татар халык җырларында, такмакларында да күп языла.

Алма булса, шундый булсың

 Дүрткә – бишкә бүләрлек.

 Дустың булса, шундый булсын

 Синең өчен үләрлек.

     Әйе, җырда әйтелгәнчә, дуслык − ул ике кешенең уртак кызыксынулары, бер-берсе белән ярдәмләшеп, авыр чакта терәк булып яшәүләре. Ул − теләсә нинди байлыктан, акчадан кыйммәтрәк, сатылмый торган бөек нәрсә.

     Дуслык, барыннан да элек, ярдәм кирәк чакта, авырлыклар аша сыналырга тиеш. Янәшәңдә якын дусларың булганда, сине бернинди каршылыклар да куркытмый. «Дуслык таулар күчерә» ди халык. Бергә булганда, теләсә нинди авырлыкларны җиңеп чыгарга мөмкин. Кайгы-хәсрәтләр, борчу-мәшәкатьләр онытыла, кыенлыклар артта кала, тик янәшәңдә якын дустың гына булсын.

      Чын дус дип кемне әйтеп була соң? Бу сорауга җавап итеп Эльмира Шәрифуллинаның шигъри  юлларын аласым килә.

 Дустың булса шундый булсын,

 Астыртын эш йөртмәсен.

 Хыянәт дигән шырпы белән

 Дуслыкка ут төртмәсен.

     Чыннан да, үзенең эшләре белән дуслыкны исбатлаган кешене генә дус дип әйтеп була. Ә дуслык турында күп сөйләшеп тә, эшләре белән аны исбатлый алмаган кеше иптәш яки таныш дип кенә санала, минемчә.

      Минем иң якын дустым − сыйныфташым Ярослав. Мин аңа нинди генә сорау белән мөрәҗәгать итсәм дә, ул мине кире какмый. Ул сорамыйча да, үзе белеп тә булыша. Мин моны күп тапкырлар сынадым инде. Безнең уртак шөгыльләр дә күп; бергәләп музыка тыңлыйбыз, компьютерда уйныйбыз, хоккей уйнарга яратабыз.

     Василий − бик әйбәт малай. Хайваннарны бик ярата. Ул бик игелекле һәм мәрхәмәтле, ачык йөзле, һәрвакытта да күршеләре белән исәнләшә, картларга ярдәм итә.

     Безнең сыйныфта Василийны гадел һәм кыю булганы өчен яраталар. Кайбер балалар безнең дуслыкка көнләшебрәк тә карыйлар. Мондый дуслыкны адым саен очратып булмый бит.

     Без бер-беребезгә укуда да, спортта да гел ярдәм итешәбез.

     Дустың булса, шундый булсын…

«Минем белән беркем уйнамый», «Минем дусларым юк»… Балагыздан бу сүзләрне ишеткәнегез бармы? Димәк, балага социальләшергә ярдәм итәргә кирәк.

Иң беренче чиратта баланың ни сәбәпле дуслары булмавын билгеләгез:
– Аңа дусларсыз рәхәтрәк, үзен иркенрәк тота?
– Комплекслары бар?
– Мөнәсәбәт төзү тәҗрибәсеннән психологик проблемалар калган?
– Оялчан, үзен башкалардан түбән саный?
– Әти-әнисе аралашу даирәсен кабул итәргә теләми, дусларын яратмый?
– Аралашу күнекмәләре җитми?
– Яшьтәшләренә карата агрессив мөнәсәбәте, мин-минлеге комачаулый?

Баланың дуслары булмаса нишләргә?
– Дулыкның нәрсә икәнен үз мисалыгызда күрсәтегез. Дусларыгызга кунакка барганда балагызны да үзегез белән алыгыз. Ешрак кунаклар чакырыгыз. Сезнең мисалда бала дусларча аралашуның, дустанә мөнәсәбәтнең нәрсә икәнен аңлар.
– Бала белән дуслар арасындагы конфликтлар, дусларның тормыштагы роле турында сөйләшегез. Үз мисалыгызны китереп яисә читтән күзәтүче булып сөйләсәгез яхшырак булыр – бала үзен башка кеше урынына куеп карарга өйрәнер. 
– Балалар коллективындагы атмосфераны өйрәнегез. Проблема баланың аралаша белмәвендә генә түгел, балалар арасында катлаулы мөнәсәбәтләр дә моңа сәбәпче була ала. Балагызга карата травля бармыймы? Андый очракта белгечләр ярдәме дә кирәк булачак. 
– Хәлне үзгәртү өчен балага өстәмә шөгыль табыгыз. Яңа коллективта мөнәсәбәтләре ничек төзелүенә игътибар итегез. Мәктәптән читтә балагыз аралашуда кыенлыклар кичермәсә, башка сыйныфка күчерү яисә мәктәпне алыштыру хакында уйларга кирәк. Ләкин монда хәлиткеч рольне бала уйнарга тиеш. Ул үзе моны телиме? 

Балага ничек ярдәм итәргә?
– Эмоцияләрне чыгаручы тренинглар уздырыгыз. Баланың негатив хисләре хакында сөйләшеп, аңа үзен контрольдә тотарга ярдәм итәрсез. Ул башкаларга да, үзенә зыян китермәслек итеп хисләрен белдерергә өйрәнер. Катлаулы очракларда үзен ничек тотарга кирәклеген аңлатыгыз, алдан уйлап куегыз. Хәл итү вариантларын уенчыклар ярдәмендә «уйнап» карагыз.
– Җәзаламыйча гына тәрбия бирүче әти-әнидә үз-үзенә ышанучан, үзләрен кулда тота белүче, мөстәкыйль балалар үсә. Аларга яшьтәшләре белән уртак тел табуы да җиңелрәк бирелә. 
– Сезнең гаиләдә төрле темаларга аралашу, фильмнар турында, мөнәсәбәтләр хакында фикер алышу гадәте булса, балага да бу аралашу мисалын даими бәйләнешләр төзүдә кулланырга җиңел булачак. 
– Актив тыңлаучы күнекмәләре, тыңлый һәм ишетә белү осталыгы, сораулар бирү – кешеләрне үзеңә теләктәш итүдә бер дигән ярдәмче. Шул сыйфатларны балагызда үстерә белсәгез, аның белән аралашырга теләүчеләр дә күп булыр. 
– Ярыша торган уеннар еш кына үз-үзеңә бәя бирүне түбәнәйтә. Бу кагыйдәне дә истә тотыгыз: контактлар урнаштыруда үз-үзенә ышана башлаганчы баланы ярышларда катнашудан чикләгез. 

«Родителям о важном» телеграм каналыннан алынды. 

Минем дустым бар. ул бик чын хэм минем эчен якын кеше. без анын белэн хэр конне икэу йорибез. мактэпкэ барабыз,дэреслэр эзерлибез,урамда уйныйбыз.
ул мина телэсэ нинди вакытта булышырга момкин. мин уземнен дустымны бик яратам хэм хэрмэт итэм.

Дуслык – дөньяда иң кирәкле
нәрсәләрнең берсе. Минемчә, дуслары булган кеше генә бәхетле була. Йөз сум
акчаң булганчы, йөз дустың булсын, диләр. Чынлап та, дуслары булган кеше
беркайчан да югалып калмый. Дуслык – бөек нәрсә ул. Чын дуслыкны тоя белергә,
табарга, югалтмаска кирәк. Һәр кеше үзенең дустын аның кешелеклелек
сыйфатларына, кылган эшләренә карап сайлый. Әгәр дә дустыңа ышанычыңны
күрсәтсәң, үзеңнең серләреңне курыкмыйча тапшыра алсаң, иптәшең чын дуслыкка
лаек. «Дусларның теле каты тоелса да, күңеле йомшак була” дигән татар халык
мәкале бар. Ягъни дуслар дөрес сүзне туры итеп әйтә алалар, аларның киңәшләре
алтынга тиң. Минемчә, чын дус нинди генә хәлдә дә ярдәм итәргә әзер торучы,
кайгыны да, шатлыкны да уртаклашучы булырга тиеш.

Дуслык хисе кешеләр белән
кешеләр, шулай ук кешеләр белән хайваннар арасында да булырга мөмкин.

Минем дә дусларым бар. Алар
күп. Шулай да якын дустым берәү генә. Аның исеме — Ренат.  Аңа 15 яшь. Ул безнең күрше йортта яши. Бер
мәктәптә укымасак та, дәрестән соң вакытны гел бергә үткәрәбез. Аның белән миңа
бик рәхәт. Бер-беребезгә ярдәм итәбез. Ишегалдында да гел бергә йөрибез: җәй
көне футбол уйныйбыз, кышын чана, тимераякта шуабыз. Дустымның миңа
иң ошаган ягы – ул беркемне дә авыр вакытта ташламый, һәрчак ярдәм итәргә әзер.
Серләрне ул бүтән кешегә сөйләми. Әйткән сүзен һәрвакытта да үти. Ул спортны
ярата, шуңа күрә спорт яңалыклары турында да еш сөйләшәбез. Дустым белән уртак
тел табу миңа бик җиңел, чөнки ул – мине, мин аны ярты сүздән аңлыйбыз.

Әйткәнемчә, дуслык хисе ул
әле кешеләр белән хайваннар яки кошлар арасында да туарга мөмкин. Минем дә өйдә
канатлы дустым – тутый кошым бар. Аның кушаматы Кеша. Кешаны туган көнемә әтием
белән әнием алып бирделәр. Мин аны беренче күрүдә үк ошаттым, чөнки ул бик
матур, ачык яшел төстә. Ул башта кечкенә иде, ә хәзер инде үсә. Кешаны карау,
тәрбияләү – минем эш. Мин аны ашатам, читлеген чистартам. Кеша укудан кайтуымны
бик зарыгып көтә. Кайткач, мин аны читлегеннән чыгарам. Ул моңа бик шатлана.
Үзенең рәхмәтен сиздерә: башыма килеп кунаклый. Мин әле аны сөйләшергә дә
өйрәттем. Ул: ”Кеша әйбәт! Кеша әйбәт!” – дип әйтә белә. Телевизордан музыка
тавышы ишетсә, үзенчә «җырлый” башлый. Кыскасы, Кеша – минем дустым, аны мин
бик яратам!

   Дуслык – кешеләр арасындагы мөнәсәбәтләрнең
иң яхшысы. Бу  турыда күп шигырьләр,
хикәяләр язылган. Йомгаклап, берничә шигырь юлы язып китәм.

Дус яшәргә кирәк җир
йөзендә,

Дуслар кирәк һәрбер кешегә,

Дуслык булса, яшәү дә күңелле,

          Уңай була һәрбер эшең дә.