Ватанны саклау сочинение

                     Хәзерге вакытта Ватанны саклау традицияләре.

   Күптән түгел 23 февраль — Ватанны саклаучылар көне булып узды. Абыйлар, әтиләр, бабайлар бәйрәме ул. Алар  саклаган  безнең Туган илебезне. Бөек Ватан сугышы кырларында, Совет Армиясе сафларын-да… Бигрәк тә безнең малайларыбыз, егетләребез өчен истәлекле көн бу. Чөнки иртәгә Ватаныбызны алар саклаячак . Солдат булып, кулла-рына корал тотып. Аның өчен алар иң элек  Туган   илебезнең  патриот-лары булып үсәргә тиеш. Кызганыч, Туган илне ярату төшенчәсе элеккеге белән чагыштырганда шактый үзгәргән. Чөнки дөнья үзгәргән, илебез  үзгәргән, бүгенге Россия дә хәзер бөтенләй башка  ил. Советлар Союзы җимерелгәннән соң, тарихи кыйммәтләр алышынган, халыкларның үзара мөнәсәбәтләре, дуслык, туганлык төшенчәләре үзгәргән. Безгә үрнәк булган бик күп шәхесләр халык дошманнарына әйләнгән, ә ул чакта дошман дип йөртелгәннәр бүген геройлар булган-нар да куйганнар. Өлкән буын – безнең әби – бабайларыбыз Советлар  илен, үзләренең комсомол, пионер чакларын сагына, ул чакта барысы да әйбәт иде дип исәпли. Бүгенге сәясәтчеләр исә ул вакытларда барысы да начар иде, хәзер безнең яңа Россиядә тормыш яхшырак дип исбатларга тырыша. Кемнәр хаклы да, кемнәр ялгыша соң? Бу бик бәхәсле сорау. Шуңа күрә дә бүген бездә, яшь буында,  патриотик хисләр  тәрбияләү үтә дә катлаулы проблема. Бу хакта безнең җитәкче-ләр, әлбәттә, уйлана, уңай шартларны да булдырырга тырыша,минемчә.
  2011 нче елдан башлап, мәсәлән, 2011-2015 нче елларга исәпләнгән “Россия Федерациясе гражданнарын патриотик тәрбияләү” програм-масы эшли башлады. Яшь буынны патриотик рухта тәрбияләү макса-тыннан бик зур эшләр эшләп булачак, минемчә. Әйтик, чын мәгънә-сендә яхшы, сыйфатлы кинофильмнар төшерергә булыр иде. Үрнәк тә бар: күптән түгел генә зур экраннарда “Брест крепосте” кинофильмы күрсәтелде. Архив документларына нигезләнеп эшләнгән ул фильм сугышның чынбарлыкта ничек булганын аңларга ярдәм итә. Киноны караганнан соң миндә бабайларыбызның батырлыгына соклану хисләре уянды,  Туган   илгә  мәхәббәт хисләре артты. Менә шундый кинолар кирәк безгә. Югыйсә, хәзерге киноларның күпчелегенең бернинди дә тәрбияви рольләре юк бит. Атыш та суеш, урлашу да баю… Кино-ларның төп геройлары — бандитлар, караклар… Бүген без, балалар, шулардан үрнәк алып үсәргә тиешмени?.. 

Аяз бүген безнең күгебез,
Солдат абый сакта торганга.
Тыныч бүген безнең көнебез
Батыр халкым минем булганга.
Солдат абый сакта торса гына
Тыныч була безнең балачак.
Горур, батыр халкым булса гына,
Һәр туар таң аяз булачак.
   Туган   илне  ярату, әлбәттә, гаиләдән,  туган  нигездән,  туган  авыл-дан башлана.  Әти-әниеңне,  туганнарыңны , авылдашларыңны яратсаң гына үз Ватаныңны яратырга мөмкин. Үз халкың өчен янып яшәсәң ге-нә, аның тарихын белсәң генә күңелдә патриотизм хисләре уяначак. 
Минем яшьтәшләрем арасындагыларның күбесе Бөек Ватан сугышы кайчан башланганын да белми. Анысы гына ярый әле, алар хәтта ата-бабаларының кем белән сугышканнарын да әйтә алмыйлар!  Үз тари-хыңны да бөтенләй белмәгән килеш, әлбәттә, патриот була алмыйсың. Шуңа да карамастан,  күңелләребезне  төшермибез, изге эшләребезне дәвам итәбез: сугыш һәм тыл ветераннарына тимурчылыкка йөрибез, укытучыларыбыз алар белән очрашулар үткәрә, ел саен авылыбыз уртасында урнашкан һәйкәл янында “Хәтер вахтасы” оештырабыз, бәйрәм кичәләре, 9 нчы Май тантаналары булып тора. Менә бу чаралар малайларны һәм кызларны чын патриотлар итеп тәрбияли, минемчә.
    Әмма бездә патриотик хисләр тәрбияләүне дәүләт үзенең иң зур бурычы дип исәпләргә тиеш. Гаиләдән, балалар бакчаларыннан, мәктәптән башланса гына бу изге эш үз максатына ирешәчәк. Бу мөһим эш белән радио-телевидение дә, газета-журналлар да, театрлар да, шулай ук язучы-әдипләр дә, башка иҗат кешеләре дә турыдан-туры шөгыльләнергә бурычлылар. Мин яратып укый торган “Сабантуй” газетасы нәкъ менә шушы вазыйфаны башкара да: аның  һәр санында балаларны патриотик рухта тәрбияләү ярылып ята. Һәрбер язма бала-ларны әйбәтлеккә, игелеккә, матурлыкка өндәүгә юнәлтелгән. “Сабан-туй”ның  төп бурычы — Татарстаныбызның, татар халкының лаеклы улларын, кызларын тәрбияләп үстерү! Ә патриотик тәрбиягә нәкъ менә үз милләтеңне,  туган телеңне ярату да, өлкән буынга хөрмәт тә, халык-лар дуслыгы да, спорт белән шөгыльләнү дә, рухи һәм физик тәрбия дә керә. Шуларны күреп үскән, шуларны белеп, аңлап, үзләре дә шундый булып үскән малайлар гына Ватаныбызның чын патриотлары булып үсә алалар. Алар гына чын солдат була алалар! Язмамны түбәндәге шигырь юллары белән тәмамлыйсым килә:

Ватаныбызны  саклау  —
Егетләрнең бурычы.
Яшьтән шөгыльләнеп кенә
Арта аларның көче.

Һәрбер егет яшьтән үк
Спорт белән дус булсын,
Көчләре ташып торсын,
Беләкләре нык булсын.
Туган  якны, Ватанны
Сез  сакламый , кем саклар?
Әнкәйләрнең, барыбызның
Өметләрен кем аклар?

Татарча сочинение “Алар ватанны сакладылар”

3/28/2021

Татарча сочинение “Алар ватанны сакладылар”

Сочинение на татарском языке на тему “Алар ватанны сакладылар”1941 нче елда безнең илебезгә фашист гаскәрләре басып кергән. Ул вакытта Ватанны сакларга бөтен халык бердәм булып күтәрелгән. Безнең буынны саклап калган кешеләрнең батырлыгы беркайчан да онытылмас!
Безнең бәхетле тормышыбыз һәм азатлыгыбыз өчен түгелгән канны ничек онытырга мөмкин соң?! Үз гәүдәсе белән дошман пулеметын каплаган Александр Матросов (чынлыкта ул татар егете Шакирҗан Мөхәммәтҗанов) батырлыгын, дошман әсирлегеннән фашист самолётына утырып качкан һәм иптәшләрен дә әсирлектән коткарган Михаил Девятаев, фашистлар куркып “төнге шәүләләр” дип атаган хатын-кызлар эскадрильясын һәм аның командиры Мәгубә Сыртланова, герой-шагыйрь Муса Җәлилнең батырлыкларын ничек онытып булсын! Ә меңнәрчә, миллионнарча солдатларның көндәлек батырлыклары аз булганмы?! Алар бит юлсыз җирләрдә пычрак ерып, бернинди авырлыкларга карамастан, дошманны туган илебездән куып чыгарганнар һәм аны үз өнендә − Берлинда тар-мар иткәннәр. Аларның көндәлек хәрби батырлыклары шулай ук хөрмәткә лаек. Аерым героик батырлыклар турында язылган китаплар, төшерелгән кинофильмнар бар.
Ватанны фронтта гына түгел, тылда да саклаганнар. Тылда − кырларда, завод-фабрикаларда эшләүче миллионнарча хатын-кызларның, карт-корының, бала-чаганың батырлыгыннан башка Җиңүне күз алдына да китереп булмый. Шуңа күрә күптәннән инде бу кешеләр дә Бөек Ватан сугышында катнашучылар белән тигезләштерелгән.
Ватанны чит ил илбасарларыннан азат итүгә хәрби табиблар да зур өлеш керткән. Алар миллионнарча кешеләрнең гомерләрен саклап калганнар, меңнәрчә солдатларны хәрби сафка кайтарганнар.
Ватанны азат итү бөтен халык эше булган. Шуңа күрә “алар Ватанны сакладылар” дигәндә, без ул сугыш еллары халкын − барысын да күз алдында тотарга тиешбез: ул елларда яшәгән, сугышта катнашкан, тылда эшләгән кешеләрне. Аларга мәңгелек дан һәм мәңгелек хөрмәт! Ә безнең бурычыбыз − ул еллардагы халыкның батырлыгын үзебез дә онытмыйча, бездән соң килгән буыннарга да тапшыру.Еще сочинения на татарском языке со схожей к “Алар ватанны сакладылар” тематикой (перейти к сборнику татарских сочинений нашего сайта)

Җәмгыять

Ватанны саклау – изге бурыч.

Ватанны саклау — ир-егетләребезнең буыннан-буынга күчкән изге бурычы. Хәрби хезмәттәге кешеләр олы ихтирамга лаек. Алар илебезнең чикләрен, безнең тыныч тормышыбызны уяу саклыйлар. Бик борынгы заманнардан ук Ватан сакчысы булу дәрәҗәле, абруйлы һөнәрләрдән саналган. Бабайлар, әтиләр, абыйлар туган ил алдындагы бурычларын намус белән үтәгәннәр. Алар сафында минем әтием дә бар.

Следите за самым важным и интересным в Telegram-каналеТатмедиа

К сожалению, реакцию можно поставить не более одного раза
Мы работаем над улучшением нашего сервиса

Теги:

250

Җәмгыять

Ватанны саклау – изге эш

Һәр ир-егетнең үз Ватаны алдында изге һәм мактаулы бурычы бар. Ул — армия сафларында хезмәт итү. Төнге караңгыда, буранда, яңгыр яуганда туган авылында калган әти-әниеңне , туганнарыңны, дусларыңны һәм тагын бик күпләрнең тыныч йокысын, шат тормышын саклаудан да изге, мактаулы эш бармы соң?
Илнең чиген саклый солдатлар
Сызылып алсу таңнар…

Следите за самым важным и интересным в Telegram-каналеТатмедиа

К сожалению, реакцию можно поставить не более одного раза
Мы работаем над улучшением нашего сервиса

Рейтинг:   / 0

Ф.И.О.	Должность	Школа	Ф.И.О. руководителя	Номинация	Название работы
Ахметгалиева Эльмира Алисовна	учитель	МБОУ «Ново-Кырлайская СОШ имени Г.Тукая »		«Война в судьбе моей семьи»	Эссе «Алар Ватанны сакладылар»

        Алар Ватанны сакладылар.

( Эссе )      

         Сугыш… Кемнәрнең язмышына кагылмаган да, кемнәрнең башларына

кайгы , күз яше , хәсрәт китермәгән ул.

        Безнең Яңа Иябаш авылы җирлегеннән 347 ир – ат сугышка китә. Бер кайтмасак, бер кайтырбыз дип китсәләр дә, 230 авылдашыбыз туган туфрагын күрү бәхетенә ирешә алмый. Алар еракта мәңгегә ятып кала. Кайтканнары да сугыш җәрәхәтләреннән гүр иясе була. Авылдагы һәр йорттан берәр, берничә хәттә дистәләгән сугышчы үлеп кала. Шундыйларның берсе безнең гаиләбез. Әнием (Венера Галяветдинова) ягыннан, бабаемның өч туганы, әбием Шагинурова Фагыйләнең өч туганы, әтием (Галяветдинов Алис) ягыннан бабаемның өч бертуганнары. Бер семья өчен коточарлык югалтулар!                                           Әбиемнең 3 бертуган абый – энеләре. Шагинуровлар: Нәҗип, Фәтих, Нәфик абыйлар сугыш кырыннан әйләнеп кайтмыйлар.

                   Бер- бер артлы хәбәр килде,

                   Бабайның өч улына.

                   Пәхлевандай өч егетне

                   Озаттык сугыш кырына.

                           Олы улы Нәҗип абый

                             Сугышка китеп барды.

                            “Әттә” сүзен әйтә алмыйча

                              Өч айлык кызы калды.

                   Артиллерист Фатих абый

                   Дошманның котын алды.

                   Ленинград шәһәрендә

                 Ул газиз башын салды.

                            Өйләнмәгән Нәфик абый

                            Герман җирләрен күрде.

                          Җиңү бәйрәмнәре көнне

                            Үлгән хәбәре килде.

                  Өч егетнең берсе дә юк,

                   Кайтмады шул, кайтмады.

                   Өзелеп көткән туганнарга

                   Нинди зур хәсрәт, кайгы”, дип сагынып елаучы кыз туганнары гына кала.

          Бабаемның туганнары Әхмәров Рәфгать Габделхәй, Суфьян абыйлар. Абыйсы Габделхәй – укытучы була. Ул да сугыш кырларыннан әйләнеп кайтмый. Хәбәрсез югалган хәбәре генә килә. Хатыны – Пелагея Ниловна – чит телләр укытучысы. Ире сугыштан кайтмагач балаларын алып читкә китә. Балалары: Әхмәров Алик Габделхәй улы, Әхмәрова Лира Габделхәй кызы. Бабаем Рәфкать сугыштан исән сау әйләнеп кайта.”Бәлки бер очрашырлар”, — дип абыйсы балаларының исемнәрен үз балаларына куша.

Бабаем 1941 – 1943 нче елда Төньяк – Көнбатыш фронтта №119 укчы бригада да взвод командиры, 1943- 1944 елларда II Украина фронтында № 72 укчы полкта өлкән лейтенат – взвод командиры була. Ул бөтен Украина җирләрен азат итүдә катнаша. Харьков, Киев шәһәрләрен фашистлардан азат итүдә катнашкан батырлыклары өчен орден, медальләр белән бүләкләнә. 4 мәртәбә яраланып, инвалид булып, туган авылына кайта. Хәзерге үзе азат итүдә катнашкан шәһәрләрне күрсә, ни уйлар иде ул?- дип ирексездән уйлап куясың.

“Миңа сугышта да укытучы, тәрбияче булырга туры килде. Кечкенәдән: “Кеше үтерү гөнаһ санала”,- дип тәрбияләнгән яшь солдатларны атакага алып бару бик кыен булды. Үзбәк, кыргыз һ.б. егетләр поста, каравылда качып утыралар иде. Ватанны, гаиләңне саклау – иң саваплы изге эш, — дип аңлатырга туры килде”,- дип искә алып сөйли иде бабам.

Ул биш мәртәбә яраланып, таяк белән инвалид булып кайтса да, үлгәнче Кырлай мәктәбендә физика — математика укытты.

Ватаныбызны фашист илбасарларыннан саклап калырга , аның азатлыгы , тынычлыгы өчен гомерләрен биргән әтием ягыннани бабаем Низам. Аның туганнары, Галяветдиновлар: Мәлик, Әлтаф абыйлар.

        “Әтиегез исән, ул кайтачак” ,- дигән күрәзәче сүзенә ышанып гомер буе әтиләрен Низам бабаемны көткән 4 ятимнең сагышларын язып кына бетереп буламы? Ишек ачылган саен, “Әти түгел микән”,- дип өзгәләнүләр, күз яшьләре…               Ватанны фронтта гына түгел, тылда да саклаганнар. Тылда: кырларда, завод- фабрикаларда эшләүче миллионларча хатын –кызлар, өлкәннәр, бала –чагалар батырлыгыннан башка җиңүне күз алдына да китереп булмый.

         Әйе авылда картлар, хатын – кызлар һәм балалар гына кала. Ә тормышны алып барырга кирәк: игенен дә игәргә, балаларны да ач – ялангач итмәскә, сугышка төрле җылы киемнәр дә әзерләп җибәрергә, гомер буе бетмәс төсле тоелган налогын да илтеп түләргә.

        Өч туганын сугышта югалткан әбием Шагинурова Фагыйләнең күргәннәре үзе бер тарих. Сугыш чорында ул авылда укытучы, партком секретаре, ревизия комиссиясе председателе, агитатор һ.б. җаваплы эшләрне башкара. “Фронт өчен түләүләр килеп кенә торды. Иң авыры – йорт саен кереп тиенләп акча җыйнау булды. “Бүген балаларларга бер сынык икмәк кайдан алып ашатыйк”,- дип елап утырган әниләрдән акча сорауны.

“Күз алдына китерегез әле , әй балалар”,- дия иде ул.

         Йөрәкләр һаман да сыкрый,

         Исләрдә бит ул һәрчак.

         Ач, ялангач бала вакыт,

         Чабаталы үсмер чак.

        Ачлык күрдек , исән калдык,

         Укуны ташламадык.

         Кычыткан ашлары белән

         Җаныбызны сакладык,- дип искә алып сөйли, сугыш чоры баласы, ветеран укытучы, әнием Венера Галяветдинова.

Илебез зур сынаулар , авыр юллар, югалтулар аша җиңү таңын каршылады.

Без бәхетле яшәсен өчен яу кырында ятып калган миллионнарга баш иябез.Бу батырларны онытырга безнең хакыбыз юк. Алар безнең белән , безнең арада.

   Туган җирләрдән еракта башларын салган авылдашларыбызның якты истәлеге күңелләрдә мәңге сакланыр.

       Ил азатлыгы өчен һәлак булган авылдашларыбызның исемнәре Хәтер китабына кертелү белән бергә, авылыбыз уртасында алар хөрмәтенә салынган һәйкәл – моның ачык мисалы.

        Мәктәбебез укучылары һәйкәлне карап, чистартып тора, бәйрәмнәрдә, туган көннәрендә чәчәкләр куя.

     Без киләчәк еллар капкасын бернинди коралсыз – Тынычлык, Дуслык, Туганлык белән янәшә атлап керергә тиешбез һәм шуның өчен көрәшәбез дә .

Туган җиребез, ватан өчен, ирек өчен ата-бабаларыбыз ничәмә гасырлар дәвамында кан койган. Илебез тарихында горурланырлык җиңүләребез күп булган кебек, югалту, кайгыларны да күп кичердек. Әти-әни кебек, Туган ил дә, туган җир дә – бер генә. Зурмы ул, кечкенәме, баймы, ярлымы – газиз ватаны һәркемгә кадерле, якын. Ә инде шул ватанны саклау – һәр ир-егетнең изге бурычы.

Бу көн – җиңүле тарихыбызның бер бите. 1918 елның 23 февралендә яшь Совет армиясе Кайзер Германиясе гаскәрләрен тармар иткән. Рәсми рәвештә ул бәйрәм буларак 1922 елда үткәрелә башлый. Димәк, “Кызыл армия һәм Флот көне” дип билгели башлауга төгәл 100 ел. Баштагы елларда сугышта һәм хәрби хезмәттә булганнарны гына котлыйлар. Тантаналы трибуналардан бәйрәм һәрбер өйгә күчә бара һәм бу көн гомумхалык бәйрәменә әйләнә. Соңрак эшче һәм крестьяннардан төзелгән күпмилләтле Кызыл Армия 1945 елда бөтен Европаны коллыкка төшергән фашизмнан азат итә. Ни кызганыч, Европаның яшь буын җитәкчеләре генә бу дәһшәтле елларны, совет солдатларының чиксез батырлыгын тарихтан сызып ташларга, аны онытырга ашкына. Өственә, Кызыл армия сафларында иңгә-иң куеп, сугыш елларын үткән күрше Украина дәүләтендә, фашизмны яңартырга теләүчеләрне яклыйлар. Иң авыр сугыш елларында фашистларга ярдәм итеп хезмәт итүче ялагайлар бүген Украина дәүләте геройлары дәрәҗәсенә күтәрелде.

Шул ук вакытта тарихи вакыйгалар белән кызыксынмаган яшь буынның аңын томалаулары зур борчуга сала. Үткәннәр, тарих сабаклары, дөньядагы бүгенге сәяси хәлләр безгә сак, уяу булырга кирәклекне кисәтеп тора. Ил иминлеген яклау бүген дә иң мөһим бурыч санала. Шуңа күрә дә хәрби әзерлекне арттыруны, заманча хәрби техника җитештерүне туктатырга ярамый. Ил җитәкчелеге дә, халкыбыз да моны яхшы аңлый. Башкортстан үзенең әзерлекле яшьләре белән һәрчак аерылып торды. Егетләребез бар төр гаскәрләрдә дә өлкән буын традицияләрен дәвам итә һәм хәрби хезмәтне лаеклы үтә. Республика Хәрби комиссариатына, ата-аналарга килгән рәхмәт хатлары моңа ачык дәлил. Ветераннар турында кайгырту, хәрби частьләргә ярдәм итү, яшьләрне хәрби-патриотик рухта тәрбияләү – бүгенге Башкортстанга хас сыйфатлар. Бу уңайдан хәрби-патриотик клублар, хәрби кадет мәктәпләре ачу һәм хәрби әзерлекле яшьләр тәрбияләү ил иминлеген артыру күрсәткечләре булып тора. Республикада бу көннәрдә Ватанны саклаучылар көненә багышлап күп кенә патриотик чаралар үткәрелә.

ДОСААФ җәмгыяте яшь буынны хәрби хезмәткә әзерләүдә зур эшләр башкара. Соңгы өч елда ДОСААФ мәктәбен 70 мең яшь кеше уңышлы тәмамлаган. Бу әзерлек курсларын үтеп, хәрби хезмәтне үз итүчеләр бүгенге армия сафларына аңлы рәвештә бара. Алдагы елларда армияне тагын да югарырак квалификцияле һәм әзерлекле хәрбиләр белән тулыландыру сорала. Шунсыз мөмкин түгел. Күпме сугышлар кичереп тә, дөнья халыклары һаман тыныч яшәргә өйрәнмәгән. Бүген дә дөньяда тыныч түгел. Америка, табигый байлыкларга хуҗа буласы килеп, Җир шарының төрле почмакларында кораллы конфликтлар тудырып тора. АКШ үзе Русия Федерациясе белән ачыктан-ачык кораллы конфликтка кермәсә дә, марионетка илләр ярдәмендә астыртын рәвештә эш итүен дәвам итә. Бер төрле сөйли, әмма икенче төрле эшли. Русияне гаепләү начар гадәткә әйләнде. Әйтик, үзебезнең ил төбәкләрендә хәрби уеннар үткәргәндә дә моны башка илләргә янау дип чыгыш ясый башладылар. Бөтен Җир шары буенча йөзәрләгән хәрби базалар урнаштырган илнең безне ничек тыныч яшәргә өйрәтү көлке, әлбәттә. Безнең күрше

булган Чехиядә, Болгариядә, Балтыйк буе илләрендә, Польшада һәм Румыниядә Русиягә каршы хәрби база оештыручылар безне гаепләп булаша. Русия Хәрби көчләренең Генераль штаб начальнигы, армия генералы Валерий Герасимов бүгенге вәзгыятькә үз карашын белдереп:

– Безгә һәрчак уяу булырга кирәк. Чөнки күп еллар дәвамында башкаларга басым ясап килгән дәүләтләргә бәйсез сәясәт алып барган илләр ошамый. Шулар исәбенә Русия дә керә. Шундый караш булганда теләсә нинди кечкенә хәрби конфликтның да зур сугыш дәрәҗәсенә җитми калуын кем ышандыра ала? НАТО илләренең штабы булган Брюссель докторинасы документларында Русиягә турыдан-туры дошман статусы беркетелде. НАТО илләре АКШ ракета комплексларын һәм хәрби инфраструктураны безнең ил чикләренә елдан-ел якынайта. Кара һәм Балтыйк диңгезендә, Балтыйк буе илләрендә һәм Польшада үткәрелеп торган киңкүләмле хәрби күнекмәләрнең безнең илгә төбәлгәнлеге ачыктан-ачык күренеп тора. Шундый вәзгыять хаким иткәндә илебезнең хәрби куәтен үстерүдән башка чара калмый,– дип чыгыш ясады.

АКШ Европаны коралландыра. Бу ил Европа континетында 60 мең хәрби, 200 танк һәм 150 хәрби самолет туплган. “Соңгы 7 ел эчендә АКШ бу илләрдә коры җир гаскәрләре санын 30 процентка, ә бронетехникаларын 4 тапкырга арттырды”– дип белдерде Русия иминлек советы секретаре урынбасары Михаил Попов. Шушы көннәрдә АКШтан Украинага 80 тонна корал китерелде. Алар 15-16 февраль төнендә Русия Украинага басып керәчәк, дип бер ай алдан сөйли башладылар. Аннары Пекинда Олимпия уеннары беткәнен көтәләр, шуңа күрә сугыш 20 февральдә башланачак дигән ялган хәбәр тараттылар. Белүегезчә, 10 февральдә Мәскәүгә Бөек Британиянең чит ил эшләре министры Лиз Трасс килде. 15 февральдә Германия канцлеры Олаф Шольц Мәскәүдә Владимир Путин белән очрашты. Аларга кадәр Франция президенты Эммануэль Макрон килеп китте. Янәсе, алар килеп Руияне Украинага каршы сугыш башламаска өндәп йөриләр.

“АКШ һәм НАТО илләреннән Украинага һәр көнне 4-5 хәрби транспорт самолеты корал ташый. Кайбер көннәрдә 8 әр самолет төшә. Бүген Украинада НАТОның кайбер илләрендә булмаган кадәр корал тупланды, болар барысы да Донецк һәм Луганск халык республикаларын басып алу өчен башкарыла,” – дип чыгыш ясады Сергей Шойгу.

Әйе, 2014 елдан алып алар җибәргән корал белән Украина Донецк һәм Луганск республикаларына республика халкын кыра. Шул ук вакытта алар Донецк һәм Луганскны үзләренең җире бар дип саный. Үзләренеке булгач, ник 8 ел буена аларны тупка тоталар соң? Шушы еллар эчендә күпме мәктәпләр һәм балалар бакчалары, халыкны электр һәм эчәр су белән тәэмин итүче станцияләр җимерелде. Аларның ни гаебе бар? Бу үз халкыңа карата геноцид түгелмени?

Узган атна азагында аларга Украина ныклы ут ачты. Меңәрләгән кеше үз йортларын, туган җирләрен ташлап китәргә мәҗбүр булды! Әмма анда яшәүчеләрнең күп өлеше Русия гражданлыгына ия бит. Шуның өчен дә килеп туган хәлдә РФ Президенты Владимир Путин Луганск һәм Донецк Республикаларының бәйсезлеген рәсми танып һәм армиягә анда тәртип сакларга кушты. Ватанны саклаучылар көне алдыннан безнең солдатларыбыз иңенә Донбасста тынычлык саклау бурычы йөкләтелде. Алар аны намус белән үтәп чыгачагына шигебез юк.

Тынычлык хакына хезмәт итү һәм Ватанны саклау гомер бакый ир – егетләрнең изге бурычы булып кала. Ватан азатлыгы өчен көрәшеп, батырларча яу кырларында һәлак булганнврны искә алып, Бөек Ватан сугышының озын юлларын үтеп, җиңү яулап, исән – сау әйләнеп кайтканнарга, бүген армия сафында хезмәт итүче солдатларыбызга рәхмәт әйтәбез. Бу көнне, гомумән, кыю, батыр йөрәкле, көчле рухлы, һәрвакыт илен, гаиләсен, туганнарын һәм якыннарын якларга әзер булган ир – егетләребезне хөрмәтлибез. Бәйрәм көне уңаеннан, хөрмәтле сугыш һәм армия ветераннарына, сугышчы – интернационалистларга, бүген илебез сагында торучыларга, армия хезмәтен үткән һәм үтәчәк ир – егетләребезгә саулык – сәламәтлек, озын гомер, гаилә иминлеге, эшләрендә, тормышларында уңышлар һәм күңел көрлеге теләп котлыйбыз. Бәйрәм белән сезне!