ЯҢАЛЫКЛАР
Яхшылык эшлә дә – суга сал…
«Яхшылык эшлә дә суга сал, халык белмәсә, балык белер, балык белмәсә, Халикъ — Ходай белер» диләр халыкта. Арабызда олы йөрәкле, мәрхәмәтле шәхесләр булу мәшәкатьле тормышыбызга ямь өстиләр.
Ил күләмендә инвалидлар декадасы дәвам итә. Бу көннәрдә сәламәтлеге чикле булган кешеләр хөкүмәттән, хәйрия оешмаларыннан һәм битараф булмаган кешеләрдән бүләкләр ала.
Руслан Алиев…
«Яхшылык эшлә дә суга сал, халык белмәсә, балык белер, балык белмәсә, Халикъ — Ходай белер» диләр халыкта. Арабызда олы йөрәкле, мәрхәмәтле шәхесләр булу мәшәкатьле тормышыбызга ямь өстиләр.
Ил күләмендә инвалидлар декадасы дәвам итә. Бу көннәрдә сәламәтлеге чикле булган кешеләр хөкүмәттән, хәйрия оешмаларыннан һәм битараф булмаган кешеләрдән бүләкләр ала.
Руслан Алиев җитәкләгән «Биектау коммуналь челтәрләре» дә әлеге чаралардан читтә калмады. Алар безнең телеканалның журналисты Гүзәл Газизуллина белән берлектә, 17 яшьлек Регинаның хыялын тормышка ашырдылар. Аны иң яраткан җырчысы Фирдүс Тямаев белән очраштырдылар.
Регина гаиләсенең тамырлары Биектау районы Дөбьяз авылыннан. Туганнары хәзерге вакытта әлеге җирлектә яши. Бүгенгесе көндә аның гаиләсе безнең районда өй сала. Регинага ДЦП диагнозы куелган. Ул бик акыллы, иманлы, намазлар укый, интуициясе нык үсеш алган.
Фирдүс Тямаев үзенчәлекле кыз белән осрашырга шунда ук риза булган. Ә Регина исә бу кичтә үзенең яраткан җырчысы белән очрашуына чиксез шат иде.
Җырчы Фирдүс Тямаев һәм «Биектау коммуналь челтәрләре» директоры Руслан Алиев кызны бүләкләр белән дә сөендерделәр.
Следите за самым важным и интересным в Telegram-каналеТатмедиа
Оставляйте реакции
К сожалению, реакцию можно поставить не более одного раза 
Мы работаем над улучшением нашего сервиса
Операциядән соң хастаханәдә ятучы сеңелем янына ашыгам. Тизрәк күрәсем, хәлен беләсем, үзем пешергән ризыклар белән сыйлыйсым килә. Шәһәрдә яшәгәч, башка туганнарга караганда янына ешрак бара алуыма куанам. Авыру хәлен белү саваплы эш тә бит әле. Бигрәк тә изге айларда. Сумкаларым авыр булса да, уфтанмый, шул турыда уйланып автобуста барам. Тукталышларның…
Операциядән соң хастаханәдә ятучы сеңелем янына ашыгам. Тизрәк күрәсем, хәлен беләсем, үзем пешергән ризыклар белән сыйлыйсым килә. Шәһәрдә яшәгәч, башка туганнарга караганда янына ешрак бара алуыма куанам. Авыру хәлен белү саваплы эш тә бит әле. Бигрәк тә изге айларда. Сумкаларым авыр булса да, уфтанмый, шул турыда уйланып автобуста барам. Тукталышларның берсендә кулына ике зур сумка тоткан бер әби килеп керде. Бик чиста, пөхтә итеп киенгән мөлаем йөзле чын татар хатыны. Килеп керүгә бер ир ялт кына торып, аңа урын бирде, капчыкларын урнаштырырга булышты. Әби иргә зур рәхмәтләр әйтеп, үзеннән яшьрәк, башына яулык бәйләгән хатын-кыз янына килеп утырды. Әлбәттә инде, ике татар хатын-кызы бергә туры килсә, әңгәмә яңара. Транспортта матур итеп чиста татар телендә сөйләшкәнне көн дә ишетеп тормыйсың, шуңа күрә сөйләшүгә мин дә колак салдым. Әби сүзне беренче үзе башлады, ил-көнгә изге теләкләр теләде, шөкер кылды, юлдашының нинди эшләр артыннан йөрүе белән кызыксынды. «Зур йөкләр күтәреп үзең болай кая барасың соң?» — дигән сорауга әби сөйләп китте:
— Изге Рамазан айлары бит, Аллага шөкер. Ходай Тәгалә биреп тора. Әле менә бик күп итеп фитыр сәдакасы китерделәр, рәхмәт яусын. Тиешенчә догаларын укып, алып калдым. Ходай кабул итсен, биргәннәрнең теләкләре уң булсын, исәнлекләре-сәламәтлекләре артсын. Үземнең тормышым җитеш, Аллага шөкер. Улым гаиләсе белән яшим. Муллыкта, иркенлектә. Менә мохтаҗлар күп булганга эчем поша. Аз булса да ярдәмем булсын дип, шул сәдака акчаларына күчтәнәчләр алып, психбольницада ятучыларга илтәм. Шул язмыш тарафыннан кыерсытылган адәмнәргә аз гына булса да шатлык өләшим дим. — Шулай диде дә, әби канәгать елмаеп куйды. Ул бик бәхетле иде бу минутларда. Кешеләргә ярдәм итә алуы белән бәхетле иде. Югыйсә инде яшь кеше түгел, үз рәхәтен күреп кенә ял итеп ятасы бит. Ә ул шушы 30 градуслы эсседә шәһәрнең бер башыннан икенче башына күтәренеп сәяхәткә чыккан.
— Беренче баруым гына түгел инде, мин аларның күптәнге «спонсорлары», — дип кеткелдәде әби. — Үз бакчабыз бар, кыярын-помидорын, җиләк-җимешен дә илтәм. Әле бу юлы конфет-печеньелар алдым. Күптән түгел бабам вафат булды. Аның барлык киемнәрен юып илттем.
— Кием-салымны да алалармыни? — дип сорау биргән апага:
— Алдылар. Мин бит чиста, яңа киемнәрне илттем. Кемнәрнеңдер хастаханәдән чыкканда киеме булмаска мөмкин. Менә шуларга кидерерсез, дидем. Әле бер баруымда бер ир ишегалдыннан ук сумкаларымны күтәреп өченче катка менгезеп куйды. Бүлек башлыгы, табиб икән. Сумкаларымны урындыкка урнаштырды да кулларын күкрәгенә куеп: «Аллаһның рәхмәте яусын сезгә!» — диде.
Әби шул сүзләрен әйткәннән соң, күзләренә мөлдерәп яшь килер инде, әнә нинди зур мактау ишеткән бит, дип уйлап куйдым. Әмма ул үз гамәлләренең нәкъ менә шулай булырга тиешлегенә, башка юлның юклыгына инанган, шуңа күрә бик табигый дип саный иде.
Яулыклы апа да үзенең мондый изгелекләр эшли алуына, әмма вакыты азлыгына ишарәләп нидер әйтте.
— Бер хәл турында сөйлим әле сиңа. Булган хәлдерме инде ул, риваятьтерме, анысын белмим. Менә бер авылда бер хатын яшәгән ди. Бик күп кош-корт, мал асраган ди. Аз гына да ял итәргә, хәтта йортына керергә дә вакыты юк ди моның. Баер өчен дә эшләмәгән, яшь вакытта күнеккән бер эшен дәвам иткән бу. Шул вакыт моның башына бер уй килгән, намаз укырга да вакыт таба алмыйм бит, дип пошынган. Барган да капкасын ачып, барлык хайваннарын чыгарып җибәргән ди. Менә шул, теләгән очракта, изге эшләргә вакыт табыла ул, чын күңелдән теләргә генә кирәк, Ходай үзе юлын күрсәтә аның.
Яулыклы апа уйга калды бугай. «Ие шул, шулай шул», — дигәннән артыгын әйтә алмады. Ә әби Попов урамы тукталышында төшеп калды, хастаханәгә барыр өчен тагын бер автобуска утырасы бар әле аның. Автобус эчендә калганнар арасында татар сөйләмен аңлаучылар булмый калмагандыр. Алар күңеленә никадәр нур өстәде, белем иңдерде бу ягымлы татар әбисе. Югыйсә кайберәүләр кебек үгет-нәсыйхәтләр дә укымады, куркытмады да, игелекле булырга, дингә дә өндәмәде.
Дин һәм тормыш
Яхшылык эшлә дә, суга сал
…халык белмәсә, балык белер, дигән халкыбыз. Башкаларга файда китерердәй гамәл кылу, кешеләргә ярдәм күрсәтү фарыз гамәлләрдән санала. Гыйбадәт йортларына, мәчетләргә ярдәм итүчеләргә Аллаһы Тәгалә эшләрендә уңышлар насыйп әйләр, иншәаллаһ.
Олы Кайбыч авылында яшәүче шәхси эшмәкәр Фәнис Камалиевка мәчет картларының рәхмәте зур. Мәчетнең котельная бүлмәсенә ремонт кирәк булганлыктан, Ураза гаете алдыннан Олы Кайбычтагы эшмәкәрләргә гозерен җиткергән Дамир хәзрәткә, иң беренчеләрдән булып, Фәнис Камалиев булышырга теләк белдергән. Оешма-учреждениеләр ярдәмен санамаганда, шәхси эшмәкәрләр арасында беренче тапкыр зур күләмдә акчалата ярдәм күрсәтүче булган ул. Шул уңайдан Дамир хәзрәт эшмәкәргә мөхтәсибәт исеменнән Рәхмәт хаты һәм изге Коръән китабы тапшырды.
Киләсе елга мөхтәсибәтнең 15 еллыгын билгеләп узачаклар. Мәчетнең тирә-ягын, тышкы яктан диварларын, шулай ук зиратның тирә-юнен төзекләндерү планга кертелгән. Мондый эшләр районның башка мәчетләрендә дә алып барыла. Мисал өчен, Кече Кайбычта шундый төзекләндерү ясалган, тышкы ягын да тәртипкә китерергә ниятләре бар. Бортас авылы мәчетенең эчке төзелешендә зур үзгәрешләр булган, киләсе елда өстәмә корылма төзеп, мәдрәсә бүлмәсе булдырырга ниятлиләр. Чүтидә ике мәчетне тоташтарып, мәдрәсә оештырырга телиләр. Шушы көннәрдә генә мәчетләр барысы да Юстиция министрлыгында яңадан теркәлү узган. Киләсе айда барлык мәхәлләләрнең дә «Ак Барс» банкында исәп-хисап счетлары булдырылачак. Ярдәм итәргә теләүчеләр акчаны шунда да күчерә алачак.
Тормышыбызда һәр адым дин белән тыгыз бәйләнгән. Дөньяга сабый бала аваз салгач ук, авыл имамы матур да, мәгънәле дә исем куша. Үсмер чакта авырсынып, күзсенеп китсә, әле дә баланы догалар белән укып-өшкертү гадәте яши. Инде ярын табып, никахлашкан вакытта да имам хәер-догасыннан калдырмый, яңа гаиләгә фатихасын бирә. Тормыш барышында һәр вакыйга, нигез, корбан ашлары, Коръән ашларын хәтта дин тыелган заманнарда кача-поса булса да, әби-бабаларыбыз үткәрергә тырышкан. Инде гомер азагында, адәм баласын ахирәткә озату да дога укудан башка, имамнарыбыздан башка мөмкин түгел. Шуңа күрә дә алардан читләшергә, сәбәпсез шикләнергә һич кирәкми, киресенчә, аларның җаваплы да, изге дә эшендә ярдәмләшеп, тирән ихтирам һәм хөрмәт белән карарга кирәк.
Следите за самым важным и интересным в Telegram-каналеТатмедиа
Оставляйте реакции
К сожалению, реакцию можно поставить не более одного раза
Мы работаем над улучшением нашего сервиса
Теги:
Олы Кайбыч авылы
Яхшылык
Кешеләр һәм язмышлар
Яхшылык җирдә ятмый
Нәрсә ул яхшылык һәм шәфкатьлелек? Бу сүзләрнең мәгънәсе нидә? Уйлап карасак, шәфкатьлелек — бер-береңә ярдәмгә килергә әзер булу, якын кешең өчен үзеңне, үзеңнең хис-тойгыларыңны корбан итүдер, мөгаен, гомумән, чын күңелдән эчкерсез яхшылык кылу. Безнең чынбарлыкта бар кешедә дә бу күңел сыйфаты, кызганычка каршы, юк. Шәфкатьлелек ул Ходайга ышану гына түгел….
«Яхшылык җирдә ятмый» дигән борынгылар.Чынлап та, яхшылык ул безнең яхшы эшләребез һәм уйларыбыз, кешеләрнең бер-беренә карата яхшы һәм рәхимле мөнәсәбәтләре. Яхшылык беркайчан да онытылмый. Әлеге заманда бар дөньяны материаль байлыкка омтылу яулап алган. Ә яхшылык, игелеклелек, шәфкатьлелек сыйфатларына урын юк кебек. Әлбәттә, акча белән дә мохтаҗ булган кешеләргә ярдәм кулын сузып була, әмма чын күңелдән ярдәм күрсәтәсе килгән кешедә әллә ни зур акча суммалары, гадәттәгечә, булмый. Халык «Яхшы сүз — җан азыгы» дип бер дә юкка әйтмәгән. Якын кешеңнең рухи яктан күңелен күтәрү, авыр минутларда аның хәлен аңларга тырышу да бик мөһим. Җылы, яхшы сүз материаль ярдәмгә караганда да кирәгрәк булырга мөмкин, чөнки байлык ул була да бетә, ә кылган яхшы эшләр күңелдә, йөрәктә кала һәм бер булса да әйләнеп кайтачаклар.
Яхшылык турында халык әйтемнәре, мәкальләре бик күп. Безнең дөнья ничек карасаң да яхшылыкка нигезләнгән. Әгәр яхшылык булмаса, булыр идемени бу дөньяда шундый изге хисләр — тынычлык хисе, дуслык хисе, мәхәббәт хисе? Бу рухи сыйфат һәрбер кешенең күңелендә булырга тиеш. Кеше бу дөньяга мәңгелеккә килмәгән. Шуңа күрә дә үзеңнән соң килгән кешеләр синең тик яхшы эшләреңне генә искә алып яшәргә тиеш. Игелекле, шәфкатьле кеше генә чын мәгънәсендә бәхетле була ала һәм башкаларны да бәхетле итә ала бу тормышта.
Яхшы булу, игелекле булу, мөгаен, бик җиңел дә түгелдер. Бу сыйфатларны күңелдә балачактан ук тәрбияләп яшәргә кирәк, әти-әниләрнең баланы тәрбияләгәндә мөһим максатларның берсе — баланың күңелендә яхшылык тойгысы тудыру һәм үз киләчәгендә бала тик яхшылыкка омтылып, яхшылыкка таянып яшәргә тиеш. «Яхшылык җирдә ятмый». Әлбәттә, бу мәкаль туры мәгънәдә әйтелмәгән. Ләкин шуңа да карамастан, ул бик мәгънәле. Аның бары тик «төбенә төшенеп», күпме чын мәгънә салынганын гына аңларга кирәк.
Җир йөзендә кешеләр кыяфәтләре буенча бертөрле. Әмма күңелләре барсының да бертөрле түгел. Чөнки дөньяда яхшы күңелле һәм дә начар күңелле кешеләр бар. Яхшы күңелле кешеләрнең, әлбәттә, күңелләрендә һәрвакыт сафлык, пакьлек һәм яхшылык хөкем сөрә. Алар нинди генә эш эшләргә тотынсалар да, күңелләрендә начарлык булмаганлыктан, эшләре һәрвакыт җайга бара. Дөньяда бер яхшылык эшләсәң, ул сиңа меңе белән әйләнеп кайта һәм кайчандыр эшләгән барлык начар эшләреңне дә каплый.
Әйе, кайбер вакытта син бик яхшы кеше булып, начарлыклар эшләмәсәң дә, начар күңелле кешеләр синнән көнләшеп, начар эшләргә «батырырга» телиләр. Алар сине алдалап, начар эшләр эшләтәләр. Нәтиҗәдә, синең гаебең булмаса да, син гаепле булып каласың. Бу бернинди кысаларга да сыймый, чөнки ул гаделсезлек. Менә шул начар күңелле кешеләр үзләре начарлык эшләмичә йөрсә, башкаларны начарлыкка өйрәтмәсәләр, дөньяда яхшы кешеләр күбрәк булыр иде. Бу фикер белән барлык кешеләр дә килешер, дип уйлыйм. Шул начар кешеләр аркасында гына бит дөньяда үзгәрешләр юк һәм ул артка таба «тәгәри». Әле дә ярый дөньяда милиция хезмәткәрләре бар. Алар барыбер шул кешеләрне тоталар һәм төрмәләргә утырталар. Төрмәдән чыккач та кайбер кешеләр нәкъ шундый булып калалар, кайберләре үзләренең киләчәк тормышы турында, гаиләсе турында уйлап эш итәләр һәм тормышларын үзгәртәләр. Бу аның үзе өчен дә, гаиләсе һәм туганнары өчен дә шатлык. Ул аннан соң үзенең башка начар дусларын да тәртипкә өйрәтергә мөмкин. Менә шул яхшы кеше аркасында дөньяда күпме яхшы кеше арта. Шундый кешеләр дөньяда күбрәк булсын иде. Андый кешеләр булуы белән хөкүмәт тә горурланыр иде.
Дөньядагы бар кеше дә яхшы булырга омтылмый. Бу эш кайберәүләр өчен авыр. Ә кайберләре яхшылык эшләп үзләренә тән сихәте алалар. Яхшылык эшләү алар өчен берни дә түгел. Алар бит моның яхшылык белән кайтачагын беләләр. Әкиятләрдән дә моңа мисал китереп була. Үткән көннәрнең берсендә мин телевизордан әкият карадым. Бер егет дөнья буйлап кыз эзләргә чыга. Ул бик күп җирләрне үтә, тамагы да ача. Юлда барганда җәфаланып ятучы, ярдәмгә мохтаҗ булган хайваннарны күрә. Егетнең аларны ашыйсы килә, ләкин хайваннар үзләрен ашамауларын үтенәләр, кирәк чакта ярдәм итәчәкләре турында әйтәләр. Егет аларның сүзләренә ышана һәм юлын дәвам итә. Юлда бара торгач, бер чибәр кызны очрата, аның белән сөйләшеп китә.Кыз аңа бик ошый. Ләкин аның әтисе патша була һәм шуңа күрә кызын теләсә кемгә бирергә теләми. Шушы көннән башлап, егет бары тик кыз турында гына уйлый башлый, нишләргә дә белмичә, көне буе аптырап йөри. һәм, ниһаять, төн җитә. Аның янына үзе коткарган хайваннар килә һәм аңа киңәш бирәләр. Алар бергәләп төнлә белән кызны урлыйлар. Егет хайваннарга рәхмәт әйтә һәм үзе яраткан кыз белән бергә кала.
Бу әкият кенә булса да, аның нигезендә яхшылык ята. Егет хайваннарга яхшылык эшли һәм бу аңа үзенә дә яхшылык булып кайта. Димәк, яхшылык җирдә ятмый. Моңа ышанырга һәм яхшылыклар гына эшләргә кирәк. Чөнки, кешеләрне шатландыру — үзе бәхет.
Альбина Вәлиева әзерләде
Следите за самым важным и интересным в Telegram-каналеТатмедиа
Оставляйте реакции
К сожалению, реакцию можно поставить не более одного раза
Мы работаем над улучшением нашего сервиса
Яхшылык эшлик
Яхшылык эшлэ дә суга ат, халык белмәсә балык белер.Яхшылыклар бик күп төрле. Яхшылык эшләү өчен теләк кенә кирәк. Мине уйлавымча яхшылыкка менә нәрсәләр эшләп була.
1. Әти-әниләргә өй эшләрендә булышу.
2. Юл аркылы олыларны озатып кую.
3. Өлкәннәргә сумкаларын күтәрешү.
4. Нәни балаларны уйнату.
5. Агач утырту.
6. Иптәшеңә дәрес аңлату.
7. Авыру кешенең хәлен белү.
8. Өлкәннәргә транспортта урын бирү.
9. Парк-бакчаларны чүптән арындыру.
10.Ач эт- мәчеләрне ашату.
11. Кошларны ашату.
12. Ишек ачып кертү.
13. Баскычтан коляска төшерешү.
14. Исәнләшү.
15. Кешеәргә рәхмәт әйтү.
16. Егылганнарга кул бирү.
17. Суга батучыны коткару.
18. Адашканга юл күрсәтү.
19. Ризыкны мактау.
20. Чишмәләрне чистарту.
21. Кош оялары ясау.
22. Китап бүләк итү.
23. Бәйрәм белән котлау.
24. Басма салу.
25.Шефлык итү.
26. Һәйкәлләрне чистарту.
27. Сугыш ветераннарының хәлен белә.
28.Юлда яткан ташны алып кую.
29. Кешеләргә һәрчак елмаю.
30. Кыргый җәнлекләрне ашату.
31. Яхшы укып әти-әнине сөендерү.Һ.б.
Яшәү безгә авыр булыр иде
Яхшылыктан башка.
Шуңа күрә яхшылыкны эшлик
Без үзебез башта.Шуңа күрә дә мин бу яхшылыкларны эшләргә тырышам.
Һич яхшылык эшли алмасаң син,
Кешеләргә бик-бик теләп тә,
Яхшы теләк телә,
Ул да кайчак
Зур көч өстәп куя йөрәккә.
Комментарии ()
|
# |
Бу әйтем: яхшылык эшлә дә – оныт, дигәнне аңлата.
Изгелек кыл да, суга сал
Татар халкында шундый бер әйтем бар: “Изгелек кыл да, суга сал”. Бу әйтем: яхшылык эшлә дә – оныт, дигәнне аңлата.
Чыннан да, еш кына кешеләр синнән ярдәм хакында сорамаган көе ярдәм итүең, синең шәхси, чын күңелдән эшләнгән гамәлең булырга мөмкин. Суга ыргыту төшенчәсе тормышның “мәңгелек елгасы”на ыргыту дигәнне дә аңлатадыр. Яхшы эш югалмас, яхшылык сезгә әйләнеп кайтыр, дигән әйтемне дә күпләребез белә.
Башка сүзләр белән әйткәндә, яхшылык кылганда, аның өчен рәхмәт көтмичә эшләп, аны шул зур “елга”га салабыз, безнең яхшылык ул “елга” да агым су белән таралып, күп кешеләрне сөендерә. Һәм, әлбәттә, ул яхшылык, без бернәрсә дә көтмәгән мизгелдә дә, без көтмәгән яктан әйләнеп кайтачак.
Расүлебез салләллаһу галәйһи вә сәлләм бер хәдисендә болай дип әйтә: “Әлбәттә, Аллаһы һәрнәрсәдә [барлык шартларда да] игелекне (изгелекне, йомшаклыкны) ярата”
Раббыбыз Изге Китабы Коръәндә болай ди: “Әгәр садакаларыгызны ачыктан-ачык бирәсез икән, бу бик яхшы. Әмма әгәр моны яшерсәгез һәм аларны [очраган бер сораучыга түгел, чыннан да, ихтыяҗы булган] фәкыйрьләргә [беркемгә дә күрсәтмичә һәм ишеттермичә] бирсәгез, бу сезнең өчен тагы да яхшырак. Ул [Аллаһы Тәгалә биргән садакаларыгыз сәбәпле, бөтен гөнаһларыгызны булмаса да] начар эшләрегездән кайберләрен гафу итәр. Аллаһы сезнең [ачык—яшерен, күренгән-күренмәгән бөтен нәрсәгезне Белүче һәм] ни кылганнарыгыздан хәбәрдар”. “Әл-Бәкара / Сыер”, 2:271
Бу урында күп еллар элек Алжирда булган гаҗәеп хәлне искә алыйк. 1994 елда бер авыл кешесенең ундүрт яшьлек кызы авырый. Табиблар аны Алжир шәһәр хастаханәсенә алып барырга киңәш итә. Әлеге кешенең гаиләсе яшәгән авыл шәһәрдән ерак була һәм бу кешенең беркайчан да зур шәһәргә барганы булмый. Ул кызы белән шәһәргә килгәч, шәһәрнең зур һәм шау-шулы булуына гаҗәпләнә. Алар хастаханә эзләп, шәһәр буйлап йөреп арыйлар. Һәм бу әти кеше монда, авылдагы кебек, җәяүләп кенә шәһәр буйлап йөрү мөмкин түгеллеген аңлый, биредә моның өчен машина кирәклегенә төшенә. Бу эштә булышырлык кеше таба алмагач, әти кеше бик борчыла. Ерак юлдан килгәнлектән, нык арып, кызының авыр хәлен күреп, бу ир-ат бер эскәмиягә утыра һәм елап җибәрә.
Алар эскәмиядә утырганда, янәшәләренә затлы машина килеп туктый, аннан озын буйлы чибәр егет чыга, аның муенына профессиональ визитка эленгән була. Ул әлеге ир һәм аның кызы янына килеп, аларның проблемасы хакында сорый. Әти кеше күз яшьләрен яшерә алмыйча, кызының бик авыр хәлдә булуын, аларның хастаханәгә килүләрен, әмма шушы хәлдә калуларын әйтеп күрсәтә. “Шәһәрдә кешеләр күп, әмма барысы да үз эшләре белән мәшгуль”, – ди. Яшь ир аңа: “Сезнең медицина документлары бармы? Миңа аларны бирегез. Мин карыйм”, – дип тәкъдим итә.
Кызның әтисе егеткә документларны тапшыра, ә бу вакытта егет картны игътибар белән күзәтеп, аңа карап бик гаҗәпләнә, авыр сулап, алар янына утыра. Аннары ул басып, картны маңгаеннан үбә. Бу вакытта аның да күзләре яшьләнә. Әти кеше аннан: “Ий, углым, сиңа нәрсә булды!?” – дип сорый. Яшь ир аңа: “Минем белән барысы да әйбәт, мин сине һәм синең кызыңны кызганам”, – дип җавап кайтара. Аннан соң ул: “Әйдәгез минем белән, абый!” – дип, аларны үз машинасына утыртып, хастаханәнең махсусн бүлегенә алып бара. Анда барысын да тиешенчә эшләп, кызга кирәкле операция ясала һәм күпмедер вакыттан соң ул аңына килә.
Кызның әтисе Аллаһы Тәгаләгә бу егетне җибәргәне өчен рәхмәтләрен укый. Дога кылып: “Аллаһы белән ант итәм, бу егетнең игелеге өчен гомерем буе аңа рәхмәтле булып калачакмын”, – дип әйтә.
Реклама
Өч көннән соң кызга операция ясаган табиб, аларның хастаханәдән чыгарылуы һәм алга таба тәрбияләр өчен, өйләренә җибәрелүе турында әйтә. Аларның авылларына кадәр бик зур юл үтәргә кирәк булуын исәптә тотып, аларга ярдәм күрсәткән әлеге егет кызга хәл кергәнче, аларга тагын бер атна үзенең өендә яшәп торырга тәкъдим итә.
Кызның әтисе мондый тәкъдимне кабул итәргә кыенсына һәм ул алар өчен бик күп эш башкарган яшь иргә авыр йөк булмас өчен, үз өйләренә кайтырга теләүләрен әйтә. Әмма яшь ир үз сүзендә нык тора һәм шуңа да кызның әтисе җиде төнгә аның өендә калырга риза була. Яшь ирнең хатыны кызга хезмәт күрсәтә, ул аңа карата мәрхәмәтле була һәм аның атасына карата да игелек, изгелек һәм әдәплелек белән карый. Ул өстәлгә аш-су куеп, барысын да төшке ашка чакыргач, әти кеше аннан ни өчен үзләренә шундый ярдәм күрсәтелүенең, мөгамәлә корылуының сәбәбен сорый. Егеткә: “Мин сине белмим, син кем буласың?” – дигән сорауны да бирә. Яшь ир: “Абый, хәзер син ризыклардан авыз ит, кичке аштан соң мин сиңа барысын да сөйләячәкмен” – дип әйтә. Әмма әти кеше: “Йә, Раббым, бу ризык минем тамакка керми. Дөресен ишетмичә, берни ашый алмыйм”, – дип әйткәч, яшь ир болай дип сүз башлый: “Абый, хәтереңдә булса, син 1964 елда, бер көнне автобуста барганда миңа биш динар акча биргән идең. Мин – Гали, базардагы эшче Әхмәднең улы булам”, – дип әйтә. Карт сөенә-сөенә: “Ий, менә искә төшердем, әйе шул, син Әхмәднең улы Аллаһы аңа рәхмәт кылсын. Ул безнең авылдан бит”, – дип әйтә
Чыннан да, моннан күп еллар элек кызның әтисе автобуста барганда аның артында унбиш яшьтән өлкәнрәк булмаган ике малай утырып барган иде Малайларның берсенең әйтүенчә, аңа мәктәпне ташлап китәргә туры киләчәк, чөнки аның әти-әнисенең мәктәп өчен булган барлык кирәк-яракларны һәм кием-салымны сатып алу өчен акчасы юк Ир-ат ике баланың хәерчелек турында сөйләгәнен ишеткәч, шунда ук кесәсеннән биш динар чыгарып, малайга: «Улым, бу динарны ал», – дип әйтә Ә ул вакытта бу сумма бик зур була һәм барлык мәктәп кирәк-яракларын да сатып алырга җитә Малай акчаны алудан баш тарта һәм ир сәбәбен сорагач: «Минем әтием мин бу акчаларны урлаган дип уйлаячак бит», – ди Ир-ат: «Чүп-чарчы Габделһәди абый миңа бу акчаларны мәктәп кирәк-яракларын сатып алуга бирде», – дип әйт Әтиең мине бик яхшы белә», – дип әйтә Малай шатланып, ул биш динарны кабул итә Шул көннән ир-ат бу малайны да һәм бу хәлне дә оныткан була
Менә кайчандыр шул акчага рәхмәт укып, аны кабул иткән бу малай аңа хәзер мондый сүзләр әйтә: «Абый, ул малай – мин Ул вакытта шул биш динар булмаса, мин бүген Алжирның иң зур хастаханәсендә профессор булмас идем Инде хәзер, мине Аллаһы иң хөрмәтле һөнәр белән рәхмәтләгәч, без очраштык Без 1964 елда аерылышкан идек һәм менә 1994 елда очраштык 30 ел узды! Аллаһыга шөкер, Раббым миңа изге гамәл өчен түләү мөмкинлеген бирде Абый, сез миңа биргән биш динар мине медицина профессоры итте Аллаһыга ант итәм, кемдер миңа дөнья хәзинәләренең барысын да бирсә дә, ул көнне мин шул динарлар белән бәхетле булган төсле, хәзер берни белән дә канәгать була алмас идем Абый, синең миңа карата мәрхәмәтең бик зур, һәм мин Аллаһыга ант итәм, ни генә эшләсәм дә, сиңа бурычымны кайтара алмам Раббыбыздан сезне бу дөньядагы иң яхшы бүләк һәм киләчәктә зур бүләк белән бүләкләвен сорыйм», – дип әйтә
Әлеге хәлне Алжирдагы авылда Гали белән янәшә яшәүче шәех
сөйләгән Ул раслаганча, бу дөрес хәл
Аллаһы Тәгалә барыбызга да изге гамәлләр кылыр өчен йөрәкләребезгә һәм кулларыбызга көч, мөмкинлек бирсә иде Яхшылык ларыбызны эшлик тә, аларны суга салыйк Аллаһы бар эшләрне күреп торучы
К сожалению, реакцию можно поставить не более одного раза
Мы работаем над улучшением нашего сервиса